Fólk í London tilbúið að gefa barnið sitt fyrir frítt Wi-Fi Kjartan Atli Kjartansson skrifar 30. september 2014 12:14 Ókeypis Wi-Fi getur verið gulls ígildi í stórborgum. Vísir/getty Að komast í góða nettengingu í stórborgum er oft enginn hægðarleikur. Víða er boðið upp á ókeypis aðgang að netinu. Fólk þarf þá að samþykkja skilmála fyrirtækja og jafnvel stundum horfa á auglýsingar. Algengt er að þeir sem tengjast netinu á þennan hátt, í gegnum ókeypis Wi-Fi, lesi ekki skilmálana sem þeir þurfa að samþykkja áður en þeir tengjast. Í niðurstöðum tilraunar sem finnska fyrirtækið F-Secure gerði í London í júni – og voru birtar í síðustu viku – kemur fram að sex manns voru tilbúnir að gefa elsta barnið sitt fyrir að fá að tengjast netinu frítt. F-Secure naut aðstoðar Europol við framkvæmd tilraunarinnar. Talsmaður fyrirtækisins segir að fyrirtækið muni ekki nýta sér forræðið yfir börnum fólksins. Tilraunin þykir sýna að margir samþykkja skilmála án þess að lesa þá. „Þar sem þetta var tilraun ætlum við að skila forræðinu aftur til foreldranna,“ segir í yfirlýsingu fyrirtækisins, sem birtist í frétt Guardian um málið. Í frétt Guardian kemur fram að búnaðurinn sem notaður var til þess að búa til nettengingu fyrir símanotendur var ódýr og að margir tölvuþrjótar gætu sett upp svona tengingu og komist yfir lykilorð og viðkvæm gögn í símum þeirra sem tengdust. Í niðurstöðum rannsóknar F-Secure kemur fram að rannsakendur telji að auka þurfi fræðslu yfir Wi-Fi nettengingar. Þeir telja að auka þurfi gegnsæi í opnum tengingum.Washington Post hefur einnig fjallað um málið. Í þeirri umfjöllun voru ýmsar niðurstöður ýmissa annarra rannsókna, sem fjalla um svipuð mál, rifjaðar upp. Til dæmis að 12 prósent fullorðinna vilji frekar lesa símaskrána en skilamála sem þeir samþykkja á netinu. Í niðurstöðum sömu rannsóknar kemur fram að 56 prósent manns vilji frekar lesa leiðbeiningabæklinga og kreditkortayfirlit en skilmála á netinu. Í frétt Washington Post kemur einnig fram að ef meðal einstaklingur myndi lesa alla þá skilmála sem hann samþykkir myndi hann eyða 76 dögum á ári í að lesa þá. Einnig hefur komið fram að lesskilningur fólks er minni í gegnum netið en marga grunar. Í niðurstöðum rannsóknar frá 2008 kemur fram að fólk les um 20 prósent af orðum sem það telur sig hafa lesið í gegnum netið. Þar segir að fólk skimi hratt yfir texta og kafi ekki nægilega djúpt ofan í merkingu hans. Mest lesið Ný kynslóð vélmenna vekur óhug Viðskipti erlent Jón nýr formaður bankaráðs Landsbankans Viðskipti Sólin sest fyrir fullt og allt á Sælunni Viðskipti innlent Stöð 2+ lækkar verð Neytendur Sýn hættir við að selja vefmiðla og útvarp Viðskipti innlent Þrjú atriði til að auka á sjálfsöryggið okkar í vinnunni Atvinnulíf Opna verslun á Keflavíkurflugvelli þar sem Arion var áður Viðskipti innlent Hafa náð nýjum sölusamningi í Bandaríkjunum Viðskipti innlent Enn ekkert að frétta af félagi sem þúsundir Íslendinga eiga kröfu á Neytendur Framkvæmdastjóri Jafnréttisstofu til Visku Viðskipti innlent Fleiri fréttir Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Að komast í góða nettengingu í stórborgum er oft enginn hægðarleikur. Víða er boðið upp á ókeypis aðgang að netinu. Fólk þarf þá að samþykkja skilmála fyrirtækja og jafnvel stundum horfa á auglýsingar. Algengt er að þeir sem tengjast netinu á þennan hátt, í gegnum ókeypis Wi-Fi, lesi ekki skilmálana sem þeir þurfa að samþykkja áður en þeir tengjast. Í niðurstöðum tilraunar sem finnska fyrirtækið F-Secure gerði í London í júni – og voru birtar í síðustu viku – kemur fram að sex manns voru tilbúnir að gefa elsta barnið sitt fyrir að fá að tengjast netinu frítt. F-Secure naut aðstoðar Europol við framkvæmd tilraunarinnar. Talsmaður fyrirtækisins segir að fyrirtækið muni ekki nýta sér forræðið yfir börnum fólksins. Tilraunin þykir sýna að margir samþykkja skilmála án þess að lesa þá. „Þar sem þetta var tilraun ætlum við að skila forræðinu aftur til foreldranna,“ segir í yfirlýsingu fyrirtækisins, sem birtist í frétt Guardian um málið. Í frétt Guardian kemur fram að búnaðurinn sem notaður var til þess að búa til nettengingu fyrir símanotendur var ódýr og að margir tölvuþrjótar gætu sett upp svona tengingu og komist yfir lykilorð og viðkvæm gögn í símum þeirra sem tengdust. Í niðurstöðum rannsóknar F-Secure kemur fram að rannsakendur telji að auka þurfi fræðslu yfir Wi-Fi nettengingar. Þeir telja að auka þurfi gegnsæi í opnum tengingum.Washington Post hefur einnig fjallað um málið. Í þeirri umfjöllun voru ýmsar niðurstöður ýmissa annarra rannsókna, sem fjalla um svipuð mál, rifjaðar upp. Til dæmis að 12 prósent fullorðinna vilji frekar lesa símaskrána en skilamála sem þeir samþykkja á netinu. Í niðurstöðum sömu rannsóknar kemur fram að 56 prósent manns vilji frekar lesa leiðbeiningabæklinga og kreditkortayfirlit en skilmála á netinu. Í frétt Washington Post kemur einnig fram að ef meðal einstaklingur myndi lesa alla þá skilmála sem hann samþykkir myndi hann eyða 76 dögum á ári í að lesa þá. Einnig hefur komið fram að lesskilningur fólks er minni í gegnum netið en marga grunar. Í niðurstöðum rannsóknar frá 2008 kemur fram að fólk les um 20 prósent af orðum sem það telur sig hafa lesið í gegnum netið. Þar segir að fólk skimi hratt yfir texta og kafi ekki nægilega djúpt ofan í merkingu hans.
Mest lesið Ný kynslóð vélmenna vekur óhug Viðskipti erlent Jón nýr formaður bankaráðs Landsbankans Viðskipti Sólin sest fyrir fullt og allt á Sælunni Viðskipti innlent Stöð 2+ lækkar verð Neytendur Sýn hættir við að selja vefmiðla og útvarp Viðskipti innlent Þrjú atriði til að auka á sjálfsöryggið okkar í vinnunni Atvinnulíf Opna verslun á Keflavíkurflugvelli þar sem Arion var áður Viðskipti innlent Hafa náð nýjum sölusamningi í Bandaríkjunum Viðskipti innlent Enn ekkert að frétta af félagi sem þúsundir Íslendinga eiga kröfu á Neytendur Framkvæmdastjóri Jafnréttisstofu til Visku Viðskipti innlent Fleiri fréttir Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira