ŢRIĐJUDAGUR 30. ÁGÚST NÝJAST 23:30

Um 6500 flóttamönnum bjargađ undan ströndum Líbíu

FRÉTTIR

Fjarskiptarisar deila: Stöđvar Símans teknar úr sambandi hjá Vodafone

 
Viđskipti innlent
12:20 06. JANÚAR 2016
Fjarskiptarisar deila: Stöđvar Símans teknar úr sambandi hjá Vodafone
VÍSIR/

Lokað hefur verið á sjónvarpsstöðvar hjá viðskiptavinum Vodafone sem nýttu sér áskriftapakka Skjás heims á vegum Símans. Viðskiptavinum Vodafone var tilkynnt um það í gærkvöldi þar sem fram kom að ástæðan væri „einhliða uppsögn Símans“.

Nokkrar deilur hafa verið á milli fjarskiptafyrirtækjanna tveggja að undanförnu eftir að Síminn fór fram á að lögbann yrði sett á Vodafone vegna dreifingar á sjónvarpsefni Skjás eins. Það var gert eftir að rekstrarformi stöðvarinnar var breytt þannig að áhorfendur geti horft endurgjaldslaust á dagskrána í línulegri dagskrá.

Sýslumaðurinn á höfuðborgarsvæðinu setti lögbannið á um miðjan desember. Nokkrum dögum síðar sendi Vodafone Póst- og fjarskiptastofnun erindi þess efnis að Síminn hætti að beina viðskiptavinum Skjás eins að Símanum sjálfum. Svar stofnunarinnar var á þá leið að deila þeirra ætti heima fyrir dómstólum.

Hvorugur aðili lét viðskiptavini vita
Sjónvarpsstöðvar Skjás heims hjá viðskiptavinum Vodafone lokuðust á mánudag, að sögn Gunnhildar Ástu Guðmundsdóttur, upplýsingafulltrúa Vodafone. Hún segir að fyrirspurnir hafi í kjölfarið tekið að berast og því hafi tilkynning verið send út um málið.

 „Við urðum vör við að viðskiptavinir höfðu ekki verið látnir vita. Þannig að við sendum út þessa tilkynningu þar sem við ráðlögðum okkar viðskiptavinum að hafa samband, enda eru flest allar þessar stöðvar aðgengilegar í kerfum Vodafone, bæði í gegnum áskriftapakka 365 og Vodafone,“ segir hún. „En við tökum það fram að Skjár einn er aðgengilegur í okkar kerfum.“

Aðspurð hvort komið verði til móts við viðskiptavini á einhvern hátt vísar hún í fyrra svar. „Líkt og fram kom í tilkynningunni þá hvetjum við fólk til að hafa samband við okkur.“

Ekki viðskiptalegar forsendur til að halda þjónustu áfram
Gunnhildur Arna Gunnarsdóttir, upplýsingafulltrúi Símans, segir að forsvarsmenn Vodafone hafi verið látnir vita með hálfs árs fyrirvara að til stæði að breyta fyrirkomulaginu nú um áramótin. Ekki hafi verið viðskiptalegar forsendur til að halda þjónustunni áfram. Dreifingin hafi verið dýr og upptakan dræm.

„Í gagnkvæmu viðskiptasambandi er eðlilegt að aðilar sýni hvor öðrum þá virðingu að fjalla ekki um samninga með þessum hætti. Betur hefði mátt útskýra ástæðurnar fyrir viðskiptavinum. Við hjá Símanum viljum þakka viðskiptavinum að Skjá heimi hjá Vodafone fyrir viðskiptin í gegnum tíðina. Við hefðum gjarnan mátt láta þá vita að þessari þjónustu yrði hætt, en vegna misskilnings hér innanhúss féll sú tilkynning milli skips og bryggju,“ segir hún.

Þá segir Gunnhildur Arna að Síminn hafi tekið allt vöruframboð tengdu sjónvarpi til gagngerrar endurskoðunar á nýliðnu ári til að bregðast við breyttu sjónvarpslandslagi og sífækkandi sjónvarpsáskriftum. „Þeim fækkar meðal annars vegna mikillar samkeppni gagnvirkra erlendra efnisveitna eins og Netflix sem nú er talið vera á 27 þúsund heimilum.“


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Viđskipti / Viđskipti innlent / Fjarskiptarisar deila: Stöđvar Símans teknar úr sambandi hjá Vodafone
Fara efst