Fjármögnun Lífæðarinnar gengur illa

Erfiðlega gengur að fjármagna vestfirska menningarútvarpið Lífæðina, en útvarpið er aðeins með útsendingar á aðventunni ár hvert. Bæjarráð Bolungarvíkur hefur samþykkt að veita Lífæðinni frekari fjárstuðning að upphæð 175 þúsund krónur vegna útsendinga í desember á síðsta ári og fram í janúar 2012, en að sögn Þórðar Vagnssonar, útvarpsstjóra, var tapið um tvær milljónir króna vegna útsendinga um síðustu jól. Þórður íhugar nú hvort að hann komi aftur að ári.

„Ég var eiginlega búin að taka ákvörðun um að færa þetta suður og senda út í gegnum netið í staðinn, en ef menn taka við sér við að hjálpa mér við að koma þessu í land þá væri hægt að endurskoða þessa ákvörðun,“ segir Þórður.

asta@bb.is