Viðskipti innlent

Fjármálafyrirtæki losað eignarhlut sinn í nærri 200 fyrirtækjum

ingvar haraldsson skrifar
Höfuðstöðvar Fjármálaeftirlitsins eru við Höfðatorg.
Höfuðstöðvar Fjármálaeftirlitsins eru við Höfðatorg.
Viðskiptabankar, sparisjóðir og lánafyrirtæki hafa losað eignarhlut sinn í 185 fyrirtækjum í óskyldum rekstri frá miðju árinu 2011. Á síðustu 18 mánuðum hefur eignarhlutum fjármálafyrirtækja fækkað úr 72 í 41 eða um 61 prósent. Þetta kemur fram í gögnum frá Fjármálaeftirlitinu (FME).

Fjármálafyrirtæki mega samkvæmt lögum einungis eiga tímabundið í fyrirtækjum sem stunda starfsemi í óskyldum rekstri og þá í þeim tilgangi að ljúka viðskiptum eða til að endurskipuleggja starfsemi þeirra. Fjármálafyrirtæki þurfa að senda inn rökstudda umsókn til FME stefni það á að halda eignarhlut í félagi í óskyldum rekstri lengur en 12 mánuði.

FME telur fyrirtækin hafa náð góðum árangri í að fækka eignarhlutum í fyrirtækjum í óskildum rekstri og bendir á að ekkert af félögunum 41 sem fjármálafyrirtæki eiga enn séu í endurskipulagningarferli.

Eignarhlutum fjármálafyrirtækja í félögum í óskyldum rekstri hefur fækkað verulega að undanförnu.mynd/fme
Af 41 félagi eiga fjármálafyrirtæki yfir 40% hlut í 21 félag félagi, í 15 félögum er eignarhaldið á bilinu 20-40% og í 5 félögum er eignarhaldið 10-20%.

Átta af félögunum eru í fasteignatengdri starfsemi. „Nokkuð er um að slík félög haldi aðeins á einni fasteign, lóðum eða að um sé að ræða þróunarverkefni sem hafa ekki hafist af alvöru,“segir í greiningu fjármáleftirlitsins.

Félög með starfsemi erlendis eru alls 10 en þau eru nær eingöngu með starfsemi eða eignir í sölumeðferð erlendis. 10 félög eru tóm eða í slitaferli en undir þann flokk falla eignir þar sem unnið er að slitum á félagi án þess að um eiginlega starfsemi sé að ræða eða þegar félagið hefur verið tæmt.

Þá eru 9 rekstarfélög í eiga fjármálafyrirtækja með starfsemi á Íslandi og eru að einhverju eða að fullu leyti í samkeppni á íslenskum markaði. Eignarhlutur fjármálafyrirtækja í þessum flokki er að meðaltali 42%.

Félög sem flokkast undir að vera sjóðir eru tvö en þeir hafa afmarkaðan líftíma og voru stofnaðir áður en 12 mánaða takmarkandi ákvæði var sett í lög um fjármálafyrirtæki.

Skipting eigna fjármálafyrirtækja í óskyldum rekstri eftir tegund þeirra.vísir/fme





Fleiri fréttir

Sjá meira


×