MIĐVIKUDAGUR 27. JÚLÍ NÝJAST 16:51

Liđsstyrkur í Árbćinn

SPORT

Finnur Ólafsson ađ semja viđ Ţrótt

 
Íslenski boltinn
12:54 04. MARS 2016
Finnur Ólafsson í leik međ Víkingi síđasta sumar.
Finnur Ólafsson í leik međ Víkingi síđasta sumar. VÍSIR/ANDRI MARINÓ

Fótboltamaðurinn Finnur Ólafsson skrifar nú klukkan 13.00 undir eins árs samning við nýliða Þróttar í Pepsi-deild karla.

Finnur kemur til Þróttar frá Víkingi, en hann hefur áður spilað með uppeldisfélagi sínu HK, ÍBV og Fylki í efstu deild.

„Það var of mikið að gerast hjá Víkingum sem mér líkaði ekki. Maður getur vælt og vælt og sagt að allt sé öllum öðrum að kenna en maður verður líka að líta í eigin barm,“ segir Finnur í samtali við Vísi um ákvörðunina að skipta um félag.

„Ég skil í góðu við Víkingana. Þetta er algjör topp klúbbur og ég óska Víkingum alls hins besta. Þarna eru yndislegir strákar en þetta samstarf bara gekk ekki.“

Finnur á að baki 125 leiki í efstu deild. Hann spilaði 15 leiki fyrir Víking í Pepsi-deildinni í fyrra, þar af var hann níu sinnum í byrjunarliði.

Hann kveðst spenntur fyrir nýju ævintýri með nýliðum Þróttar sem spila í fyrsta sinn síðan 2009 á meðal þeirra bestu í sumar.

„Ég er alveg ótrúlega spenntur og líka bara spenntur fyrir því að fara í rautt og hvítt aftur,“ segir HK-ingurinn.

Þróttarar hafa ekki verið að gera neinar rósir á undirbúningstímabilinu og töpuðu síðast 2-0 fyrir Fjölni í Lengjubikarnum í gærkvöldi. Finnur hefur engar áhyggjur af því.

„Þegar ég var ÍBV tókum við ekki stig eitt undirbúningstímabilið af Pepsi-deildarliðum en vorum svo í titilbaráttu í lokaumferð deildarinnar. Ég minnist bara þess tíma og veit alveg að við í Þrótti getum gert eitthvað flott í sumar,“ segir Finnur Ólafsson.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Íslenski boltinn / Finnur Ólafsson ađ semja viđ Ţrótt
Fara efst