Innlent

Finnst Samtökin ´78 hafa gleymt þeim

Snærós Sindradóttir skrifar
Klofningur sagður yfirvofandi hjá Samtökunum '78.  Fréttablaðið/Andri Marinó
Klofningur sagður yfirvofandi hjá Samtökunum '78. Fréttablaðið/Andri Marinó
Allt stefnir í klofning innan Samtakanna ’78. Virðist sem hópur samkynhneigðra í samtökunum upplifi að hann hafi gleymst í baráttunni. Málið á sér langan aðdraganda en það hófst raunar þegar BDSM á Íslandi sótti um hagsmunaaðild að samtökunum.

Aðalfundur Samtakanna ’78 verður haldinn 11. september næstkomandi. Tveir hópar með ólíkar áherslur hafa boðið sig fram til stjórnarsetu og formennsku. Félagsmaður fullyrðir við Fréttablaðið að klofningur sé nærri óhjákvæmilegur. Stór hópur muni segja sig úr samtökunum á hvorn veginn sem atkvæði falla í formannskjörinu.

María Helga Guðmundsdóttir, stjórnarmaður og frambjóðandi til formanns. Fréttablaðið/Anton Brink
María Helga Guðmundsdóttir býður sig fram sem formaður en hennar framboð er samstarfsframboð með þremur öðrum sem öll hafa setið í stjórn Samtakanna ’78 á þessu átakamikla ári.

„Eitt af því sem hefur verið fleygt fram af fólki úr hinni fylkingunni, ef svo má að orði komast, er að samtökin standi ekki nægilega mikinn vörð um málefni homma og lesbía,“ segir María sem kveður þetta þó ekki rétt. 

„Það er mjög mikið af málefnum hér inni á borði sem varða beint hagi homma og lesbía. Í fyrra, þegar við kærðum hatursorðræðu gegn hinsegin fólki í fjölmiðlum, var langmest af þeirri hatursorðræðu beint gegn samkynhneigðum til dæmis.“ 




Fleiri fréttir

Sjá meira


×