Innlent

Fimmtíu björgunarsveitarmenn leita strokufangans - Hundar notaðir við leitina

Frá Litla-Hrauni í dag.
Frá Litla-Hrauni í dag. MYND/FRÉTTASTOFA

Leit að Matthíasi Mána Erlingssyni, strokufanga af Litla-Hrauni, við Eyrarbakka og Stokkseyri mun halda áfram fram eftir degi. Unnið er út frá vísbendingum sem borist hafa um ferðir Matthíasar.



Samkvæmt upplýsingum frá lögreglu fannst húfa Matthíasar við Litla-Hraun fyrr í dag. Nær öruggt þykir að hann hafi misst húfuna þegar hann klifraði yfir girðinguna á mánudaginn síðastliðinn.



Þá er ekki vitað fyrir víst hvort að Matthías hafi haft vitorðsmann sem beið í bíl fyrir utan fangelsis.



Fjölmennt lið lögreglumanna frá höfuðborgarsvæðinu og Selfossi taka þátt í leitinni. Hátt í fimmtíu björgunarsveitarmenn hafa aðstoðað við leitina. Þeir leita í tíu hópum í fylgd með lögreglumönnum og fangavörðum. Leitarhundar hafa einnig verið notaðir.



Leitað hefur verið í byggingum og í fjöruborðinu.

Flótti Matthíasar Mána af Litla-Hrauni
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið