Fimmta prentun Öræfa

Forlagið hefur brugðist við miklum vinsældum Öræfa eftir Ófeig Sigurðsson með því að láta prenta bókina í fimmta sinn, svo hún verði fáanleg í verslunum á Þorláksmessu.

Fjórða prentunin kom í hús á laugardaginn síðasta og kláraðist hún samdægurs. Forsvarsmenn Forlagsins fullyrða að þeir hafi aldrei látið endurprenta bók svo skömmu fyrir jól.

Öræfi hefur verið tilnefnd til Íslensku bókmenntaverðlaunanna í flokki fagurbókmennta, auk þess sem hún var valin besta íslenska skáldsagan af starfsfólki bókaverslana víða um land.