Innlent

Fimm jólabörn í Reykjavík og eitt á Selfossi

Kolbeinn Tumi Daðason skrifar
Von gæti verið á fleiri jólabörnum á Akureyri, Ísafirði og Neskaupstað síðar í dag.
Von gæti verið á fleiri jólabörnum á Akureyri, Ísafirði og Neskaupstað síðar í dag. Vísir/Getty
Þrjár jólastúlkur og tveir jólastrákar komu í heiminn á aðfangadag á fæðingardeild Landspítalans í gær. Mikil ró og jólaandi hefur svifið yfir deildinni á jólanótt en síðasta barnið kom í heiminn á fimmta tímanum í gær.

Á meðan landsmenn fjölmenntu í jólamessu á sjöunda tímanum í gærkvöldi kom lítil stúlka í heiminn á fæðingardeildinni á Heilbrigðisstofnun Suðurlands á Selfossi. Von er á öðru barni í heiminn á Selfossi í dag.

Rólegt hefur verið á fæðingardeildum á Akureyri, Neskaupstað og Ísafirði undanfarinn sólarhring en von gæti verið á jólabörnum á öllum stöðum þegar líða tekur á daginn.




Fleiri fréttir

Sjá meira


×