Fimm í forystu eftir fyrsta hring á Sony Open

 
Golf
12:30 15. JANÚAR 2016
Vijay lék frábærlega á fyrsta hring í gær.
Vijay lék frábærlega á fyrsta hring í gær. GETTY

Fimm kylfingar deila efsta sætinu eftir fyrsta hring á Sony Open sem fram fer á Hawaii en aðstæður í gær til að skora vel voru með besta móti.

Þeir Ricky Barnes, Morgan Hoffmann, Kevin Kisner, Brandt Snedeker og Vijay Singh léku Waialae völlinn á 63 höggum eða sjö undir pari en margir sterkir kylfingar eru á eftir þeim á fimm og sex undir.

Frammistaða hins 52 ára Singh vakti mesta athygli en hann gæti orðið elsti sigurvegari í sögu PGA-mótaraðarinnar ef hann sigrar um helgina sem er met sem goðsögnin Sam Snead hefur átt síðan 1965.

Sigurvegari síðasta árs, Jimmy Walker, byrjaði titilvörnina sína rólega en hann lék á 69 höggum, einu undir pari, og er jafn í 68. sæti.

Sony Open verður í beinni útsendingu á Golfstöðinni um helgina en útsendingartíma má sjá hér.


Deila
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

 

MEST LESIÐ

  • Nýjast á Vísi
  • Mest Lesið
  • Fréttir
  • Sport
  • Viðskipti
  • Lífið
Forsíða / Sport / Golf / Fimm í forystu eftir fyrsta hring á Sony Open
Fara efst