Fengu engan frið fyrir drukkinni konu

Ölvuð kona tók upp á því á fimmta tímanum í nótt að hringja látlaust í Neyðarlínuna að tilefnislausu og linnti ekki látum þrátt fyrir ítrekaðar beinir starfsmanna þar. Leituðu þeir loks til lögreglu, sem hafði uppi á konunni þar sem vitað var úr hvaða númeri hún hringdi, og var hún handtekin. Hún sefur nú úr sér ölvímuna í fangageymslum.

Viðurlög liggja við svona háttsemi enda getur hún tafið fyrir að fólk í neyð nái tafarlaust sambandi við Neyðarlínuna.