Enski boltinn

Federico Fazio orðaður við Tottenham

Kristinn Páll Teitsson skrifar
Federico Fazio og félagar í Sevilla unnu Evrópudeildina á síðasta tímabili
Federico Fazio og félagar í Sevilla unnu Evrópudeildina á síðasta tímabili Vísir/Getty
Breskir miðlar greina frá áhuga Tottenham á Federico Fazio, miðverði Sevilla, í morgun en Tottenham leitar þessa dagana að nýjum miðverði.

Í samningi Fazio hjá Sevilla er riftunarákvæði sem hljómar upp á 8 milljónir punda fyrir þennan argentínska miðvörð sem hefur leikið 200 leiki með Sevilla allt frá árinu 2007.

Tottenham bauð upphaflega í landa hans, Mateo Musacchio frá Villareal en hann reyndist vera einnig í eigu annarra aðila en félagsins(e. third-party ownership) sem stöðvaði áhuga Tottenham á Musacchio.

Talið er að Mauricio Pochettino, nýji knattspyrnustjóri Tottenham sé tilbúinn að selja Vlad Chiriches og Michael Dawson til að fjármagna kaupin á nýjum miðverði.




Fleiri fréttir

Sjá meira


×