SUNNUDAGUR 28. ÁGÚST NÝJAST 13:48

Rosberg vann í Belgíu|Hamilton ţriđji

SPORT

Fara sér hćgt í framhaldsskóla

 
Innlent
04:00 12. SEPTEMBER 2012
Íslensk ungmenni fara sér hćgt viđ ađ ljúka framhaldsskólanámi.
Íslensk ungmenni fara sér hćgt viđ ađ ljúka framhaldsskólanámi. NORDICPHOTOS/GETTY IMAGES

Á Íslandi ljúka hlutfallslega færri framhaldsskólanemar námi á tilskyldum tíma en í öðrum OECD-löndum.

Aðeins 44% íslenskra nema hafa lokið prófi eftir fjögur ár; eftir sex ár hafa 58% brautskráðst.

Þetta kemur fram í árlegri skýrslu Efnahags- og framfarastofnunarinnar (OECD) um stöðu menntamála í aðildarríkjunum árið 2010 sem gefin var út í gær.

Þegar litið er til annarra landa til samanburðar kemur í ljós að í öllum löndum nema Íslandi og Mexíkó hafa yfir sextíu prósent lokið námi tveimur árum eftir tilskilinn tíma. Í hinum Norðurlöndunum er hlutfallið yfir sjötíu prósent. Á móti kemur að hvergi nema í Portúgal ljúka fleiri framhaldsskólaprófi seinna á lífsleiðinni en á Íslandi.

Skýrsla OECD leiðir í ljós að menntunarstaða Íslendinga hefur batnað jafnt og þétt frá aldamótum. Árið 2010 höfðu 33% fólks á aldrinum 25-64 ára á Íslandi lokið háskólaprófi og 33% höfðu ekki lokið neinu prófi eftir grunnskóla samanborið við 21% og 45% um aldamótin.

Árleg útgjöld vegna hvers nemanda á Íslandi, að meðaltali fyrir öll skólastig árið 2009, var um 1,2 milljónir íslenskra króna miðað við gengi í lok árs 2009. Það er hærra en meðaltal OECD-landanna en lægra en á hinum Norðurlöndunum.- shá


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Fara sér hćgt í framhaldsskóla
Fara efst