Evrópusambandiđ skođar tollvernd búvara á Íslandi

 
Innlent
07:00 19. JANÚAR 2016
Úr kjúklingasláturhúsinu í Emsland í Ţýskalandi. Ísland hefur skuldbundiđ sig til ađ gefa út árlegan 200 tonna tollkvóta á alifuglakjöt frá löndum ESB.
Úr kjúklingasláturhúsinu í Emsland í Ţýskalandi. Ísland hefur skuldbundiđ sig til ađ gefa út árlegan 200 tonna tollkvóta á alifuglakjöt frá löndum ESB. FRÉTTABLAĐIĐ/ÓKÁ

Á vettvangi Evrópusambandsins (ESB) er, samkvæmt heimildum blaðsins, hafin skoðun á því verklagi sem hér er viðhaft við útboð tollheimilda búvara sem landið hefur skuldbundið sig til að hleypa tollfrjálst inn í landið.

Félag atvinnurekenda (FA) hefur vakið á því athygli á vef sínum að þótt Ísland hafi samkvæmt samningi við ESB árið 2007 skuldbundið sig til að leyfa tollfrjálsan innflutning á tilteknu magni búvara þá geti raunveruleg tollvernd varanna numið tugum prósenta af innflutningsverði þeirra.

„Ástæðan er útboðskerfið, sem stjórnvöld nota til að úthluta innflutningsheimildunum, en þær eru seldar hæstbjóðanda,“ segir í umfjöllun á vef FA. Þannig sé útboðsgjald alifuglakjöts orðið svo hátt að álíka mikið kosti að flytja inn kjúkling frá ESB á tollfrjálsa kvótanum og á almennum tolli. Í báðum tilvikum sé raunveruleg tollvernd um 50 prósent af innflutningsverðinu.

„Við vitum af þessum athugasemdum Félags atvinnurekenda, en viljum ekki tjá okkur sérstaklega um þær að svo stöddu,“ segir Klemens Ólafur Þrastarson, upplýsingafulltrúi sendinefndar ESB á Íslandi.

Í samningnum frá 2007 er kveðið á um að Ísland gefi út tollkvóta í tilteknu magni á margvíslegar afurðir, bæði kjöt, osta og kartöflur. „Samningsaðilar gera ráðstafanir til að tryggja að ávinningum, sem þeir veita hvor öðrum, verði ekki stefnt í hættu með öðrum takmarkandi innflutningsráðstöfunum,“ segir í sjötta lið samningsins.

Í umfjöllun FA er haft eftir Ólafi Stephensen, framkvæmdastjóra félagsins, að erfitt sé að sjá hvernig útboðskerfið íslenska standist þessa grein samningsins. 


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Evrópusambandiđ skođar tollvernd búvara á Íslandi
Fara efst