Lífið

Eurovision undirbúningur á fullu: Rödd Måns mun óma í neðanjarðarlestinni

Nanna Elísa Jakobsdóttir skrifar
Sérstök Eurovision-lest ferjar Eurovision-aðdáendur fram og tilbaka um Stokkhólm.
Sérstök Eurovision-lest ferjar Eurovision-aðdáendur fram og tilbaka um Stokkhólm. Vísir/EPA/VisitStockholm
Farþegar sem ferðast með sérstakri Eurovision neðanjarðarlest í Stokkhólmi fá að njóta raddar hins ómótstæðilega Måns Zelmerlöv á meðan á Eurovision-hátíðinni stendur í borginni í maí. Þetta kemur fram á Facebook-síðu Zelmerlöv sem vann keppnina með eftirminnilegum hætti á síðasta ári með lagið „Heroes.“ Þá er fjallað um málið á ESCToday.

Geggjuð Stokkhólm-lest.Vísir/VisitStockholm
Undirbúningur fyrir keppnina er á lokametrunum í Stokkhólmi og eru starfsmenn í vinnu allan sólarhringinn við að tryggja að upplifun þeirra mörg hundruð þúsund gesta sem munu koma til borgarinnar í því skyni að taka þátt í Eurovision gleðinni verði sem best. Eurovision-lestin verður á svokallaðri grænni línu, T-bana eins og Svíarnir kalla hana, og fer með farþega til Globe-hallarinnar þar sem keppnin fer fram þetta árið. 

„Við erum nú komin á Slussen, skiptu hér fyrir grænu leiðina sem fer að Globe-höllinni þar sem Eurovision-keppnin fer fram. Við erum nú við Gamla-Stan. Þetta er stoppistöðin fyrir Euroklúbbinn,“ segir Zelmerlöv í myndbandinu hér að neðan. Í fyrra ómaði rödd Conchitu Wurst, sem sigraði keppnina fyrir Austurríki árið 2014, í neðanjarðarlestakerfinu í Vín þegar keppnin fór fram. 


Tengdar fréttir

Rúmenía rekin úr Eurovision

Rúmenía hefur verið rekin úr Eurovision, söngvakeppni evrópskra sjónvarpsstöðva, þar sem rúmenska ríkissjónvarpið hefur ekki borgað skuldir sínar sem ná aftur til ársins 2007.

Takmarkinu er nú þegar náð

Greta Salome keppir fyrir Íslands hönd í undankeppni Euro­vision þann 10. maí næstkomandi. Hún segist horfa öðrum augum á keppnina nú en þegar hún keppti síðast. Hún setur markið ekki á ákveðið sæti heldur snýst þetta allt um boðskap lagsins.






Fleiri fréttir

Sjá meira


×