Erilsöm nótt í borginni

Nóttin í Reykjavík var erilsöm fyrir lögregluna á höfuðvorgarsvæðinu og eru fangageymslur fullar. Þó var ekki um nein stór vandamál að ræða og til dæmis voru engin alvarleg líkamsárásarmál tilkynnt til lögreglu.Vaktstjóri hjá lögreglu segir að svo virðist sem menn hafi frekar skeitt skapi sínu á dauðum hlutum þessa nóttina, en einn maður var handtekinn fyrir að skemma bíla í Tryggvagötu eftir að honum hafði verið meinaður aðgangur að skemmtistað í nágrenninu.

Þá skemmtu tveir ungir menn sér við að skemma 14 bíla í Grettisgötunni og höfðu þeir unnið töluvert tjón þegar þeir voru handsamaðir. Nokkuð var einnig um þjófnaði í borginni og voru tveir handteknir þeir hugðust ræna gröfu. Þeir höfðu komið vinnuvélinni upp á kerru og voru á leiðinni út í nóttina þegar lögeglan mætti á svæðið. Þeir eru á meðal þeirra sem nú gista fangageymslurnar á Hverfisgötunni.