Er búin að bralla ýmislegt í gegnum tíðina Gunnþóra Gunnarsdóttir skrifar 23. desember 2014 14:30 "Ég fer með börnunum mínum, tengda- og barnabörnunum út að borða á góðum veitingastað,“ segir Esther Helga um fyrirætlanir kvöldsins. Vísir/GVA „Mér hefur alltaf þótt gaman að eiga afmæli á Þorláksmessu. Þegar ég var barn hélt mamma alltaf upp á afmælið mitt og krakkarnir mættu samviskusamlega, enda voru mæðurnar glaðar að losna við þá svo þær gætu keypt jólagjafir og vesenast,“ segir Esther Helga Guðmundsdóttir hlæjandi spurð hvernig það sé að eiga afmæli á Þorlák. Svo vil ég vita af hverju Esther sé skrifað með h-i. „Ég heiti eftir ömmu minni sem var nefnd eftir danskri konu, þannig að h-ið hefur alltaf verið í okkar ætt,“ segir hún. Næst er það uppruninn. „Ég ólst upp í Reykjavík en móðurættin er úr Dýrafirði og föðurættin úr Rangárvallasýslu og Vestmannaeyjum. Vestfirðir og Suðurlandið mætast í mér,“ upplýsir Esther Helga sem býr fyrir austan fjall en starfar í MFM miðstöðinni í Hlíðasmáranum í Kópavogi. Vílar sem sagt ekki fyrir sér að aka yfir eitt stykki heiði í vinnuna. Áður en ég hringdi í Esther Helgu gúgglaði ég nafnið hennar og datt þá inn í gamlan þátt með Hemma Gunn þar sem hún syngur Hamraborgina. „Já, ég er búinn að bralla ýmislegt í gegnum tíðina. Ég byrjaði snemma að syngja og læra það en ég varð líka ung móðir þannig að það teygðist svolítið á náminu. Meðan á því stóð söng ég í Óperukórnum, til dæmis í Sígaunabaróninum, sem var fyrsta uppfærsla Íslensku óperunnar.“ Esther Helga hélt til Bandaríkjanna, í Indíanaháskóla þar sem hún lauk einsöngs- og tónlistarfræðinámi. Þá var hún einstæð móðir með þrjú börn. „Það var dálítið átak að drífa sig út en ótrúlega gefandi,“ rifjar hún upp. „Við vorum mörg frá Íslandi í sama skóla, Sólrún Braga, Bergþór Páls, Þórunn Guðmunds og Erna Guðmunds, Ingibjörg Guðjóns, Sigurður Flosa og fleiri og fleiri, yndislegur hópur.“ Óperusmiðjan var eitt af því sem Esther Helga tók þátt í eftir að hún kom frá námi. Svo stofnaði hún Söngsmiðjuna þar sem hún kenndi fólki á öllum aldri, kallaði það síðar Söngsetur Estherar Helgu og var með námskeið fyrir lagvísa og laglausa. „Það var mikið fjör, fullt af sýningum á Hótel Íslandi, söngleikir, gospelkór og laglausi kórinn. Þetta var mitt aðalstarf næstu fimmtán árin, þar til ég venti mínu kvæði í kross,“ segir hún og heldur áfram. „Ég hafði glímt við átraskanir og matarfíkn og náði loks bata gegnum 12 spora starf. Í framhaldinu fór ég að læra að vinna með fólk sem átti við sama vanda að stríða og stofnaði MFM matarfíknarmiðstöðina árið 2006. Þar er eina meðferðin með göngudeildarsniði sem til er í heiminum í dag en margt hefur gerst á þeim árum sem ég hef verið að stússast í þessum málum.“ Í lokin er Esther Helga spurð um fyrirætlanir sínar í sambandi við stórafmælið í dag. Svarið er einfalt. „Ég fer með börnunum mínum, tengda- og barnabörnunum út að borða á góðum veitingastað. Þar njótum við þess að vera saman.“ Mest lesið Ekki lengur smeykur við að deila kastljósinu með Katrínu Lífið Jón Jónsson selur glæsihús á Seltjarnarnesi Lífið Suzuki mun flytja inn í höll Björgólfs Lífið Seldi upp á útgáfutónleika án útgáfu Tónlist Vöknuðu fyrir allar aldir til að gera aðra atlögu Lífið Heimafæðing Örnu Ýrar: „Ekki eins hræðilegt og margir halda“ Lífið Björgólfur og Skúli í stuði í Feneyjum Lífið „Stundum finnst mér ég getað sigrað heiminn“ Lífið Flugfreyjuhattar Icelandair frá tískurisanum Balenciaga fá nýtt líf Lífið Stefnir Megan Thee Stallion fyrir meint áreiti á vinnustað Lífið Fleiri fréttir „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Heimafæðing Örnu Ýrar: „Ekki eins hræðilegt og margir halda“ Suzuki mun flytja inn í höll Björgólfs Stefnir Megan Thee Stallion fyrir meint áreiti á vinnustað Flugfreyjuhattar Icelandair frá tískurisanum Balenciaga fá nýtt líf Ekki lengur smeykur við að deila kastljósinu með Katrínu Jón Jónsson selur glæsihús á Seltjarnarnesi Kynferðislegt ofbeldi: Kynlíf eftir áföll Karlakórinn Esja tók frægasta slagara Backstreet Boys Flott flutti ódauðlega slagara með Sálinni og Ásgeiri Trausta Myndaveisla: Pattra og Gugusar hressastar í drykkjarpartýi Steggjun endaði á árshátíð RÚV Allt klárt fyrir tilraun við heimsmet í Hlíðarfjalli Hvað ber að hafa í huga þegar hvolpur kemur á heimilið Lagið Yfirgefinn varð til þegar Valdimar öskraði á hljómsveitarmeðlimi Félag Rikka Daða selur einbýli sem áður var í eigu Rikka Daða Öskur á tónleikum Laufeyjar öfugt ofan í aðdáendur „Óraunverulegustu fréttir sem við getum fært“ Vaknaði í angist alla morgna Stjörnulífið: „Þá er maður bara að sigla inní 17. mánuðinn á þessari meðgöngu“ Ragga Gísla útskýrir gjörninginn Fred Armisen kemur til Íslands Stjörnum hlaðið partý: Viktoría Beckham á hækjum í fimmtugsafmælinu Myndaveisla: Athafnakonur fögnuðu 25 ára afmæli á Edition „Ætla að verða 130 ára þannig að það er nægur tími til stefnu“ Litríkur og ljúffengur vikumatseðill Jönu MA vann MORFÍs Sjá meira
„Mér hefur alltaf þótt gaman að eiga afmæli á Þorláksmessu. Þegar ég var barn hélt mamma alltaf upp á afmælið mitt og krakkarnir mættu samviskusamlega, enda voru mæðurnar glaðar að losna við þá svo þær gætu keypt jólagjafir og vesenast,“ segir Esther Helga Guðmundsdóttir hlæjandi spurð hvernig það sé að eiga afmæli á Þorlák. Svo vil ég vita af hverju Esther sé skrifað með h-i. „Ég heiti eftir ömmu minni sem var nefnd eftir danskri konu, þannig að h-ið hefur alltaf verið í okkar ætt,“ segir hún. Næst er það uppruninn. „Ég ólst upp í Reykjavík en móðurættin er úr Dýrafirði og föðurættin úr Rangárvallasýslu og Vestmannaeyjum. Vestfirðir og Suðurlandið mætast í mér,“ upplýsir Esther Helga sem býr fyrir austan fjall en starfar í MFM miðstöðinni í Hlíðasmáranum í Kópavogi. Vílar sem sagt ekki fyrir sér að aka yfir eitt stykki heiði í vinnuna. Áður en ég hringdi í Esther Helgu gúgglaði ég nafnið hennar og datt þá inn í gamlan þátt með Hemma Gunn þar sem hún syngur Hamraborgina. „Já, ég er búinn að bralla ýmislegt í gegnum tíðina. Ég byrjaði snemma að syngja og læra það en ég varð líka ung móðir þannig að það teygðist svolítið á náminu. Meðan á því stóð söng ég í Óperukórnum, til dæmis í Sígaunabaróninum, sem var fyrsta uppfærsla Íslensku óperunnar.“ Esther Helga hélt til Bandaríkjanna, í Indíanaháskóla þar sem hún lauk einsöngs- og tónlistarfræðinámi. Þá var hún einstæð móðir með þrjú börn. „Það var dálítið átak að drífa sig út en ótrúlega gefandi,“ rifjar hún upp. „Við vorum mörg frá Íslandi í sama skóla, Sólrún Braga, Bergþór Páls, Þórunn Guðmunds og Erna Guðmunds, Ingibjörg Guðjóns, Sigurður Flosa og fleiri og fleiri, yndislegur hópur.“ Óperusmiðjan var eitt af því sem Esther Helga tók þátt í eftir að hún kom frá námi. Svo stofnaði hún Söngsmiðjuna þar sem hún kenndi fólki á öllum aldri, kallaði það síðar Söngsetur Estherar Helgu og var með námskeið fyrir lagvísa og laglausa. „Það var mikið fjör, fullt af sýningum á Hótel Íslandi, söngleikir, gospelkór og laglausi kórinn. Þetta var mitt aðalstarf næstu fimmtán árin, þar til ég venti mínu kvæði í kross,“ segir hún og heldur áfram. „Ég hafði glímt við átraskanir og matarfíkn og náði loks bata gegnum 12 spora starf. Í framhaldinu fór ég að læra að vinna með fólk sem átti við sama vanda að stríða og stofnaði MFM matarfíknarmiðstöðina árið 2006. Þar er eina meðferðin með göngudeildarsniði sem til er í heiminum í dag en margt hefur gerst á þeim árum sem ég hef verið að stússast í þessum málum.“ Í lokin er Esther Helga spurð um fyrirætlanir sínar í sambandi við stórafmælið í dag. Svarið er einfalt. „Ég fer með börnunum mínum, tengda- og barnabörnunum út að borða á góðum veitingastað. Þar njótum við þess að vera saman.“
Mest lesið Ekki lengur smeykur við að deila kastljósinu með Katrínu Lífið Jón Jónsson selur glæsihús á Seltjarnarnesi Lífið Suzuki mun flytja inn í höll Björgólfs Lífið Seldi upp á útgáfutónleika án útgáfu Tónlist Vöknuðu fyrir allar aldir til að gera aðra atlögu Lífið Heimafæðing Örnu Ýrar: „Ekki eins hræðilegt og margir halda“ Lífið Björgólfur og Skúli í stuði í Feneyjum Lífið „Stundum finnst mér ég getað sigrað heiminn“ Lífið Flugfreyjuhattar Icelandair frá tískurisanum Balenciaga fá nýtt líf Lífið Stefnir Megan Thee Stallion fyrir meint áreiti á vinnustað Lífið Fleiri fréttir „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Heimafæðing Örnu Ýrar: „Ekki eins hræðilegt og margir halda“ Suzuki mun flytja inn í höll Björgólfs Stefnir Megan Thee Stallion fyrir meint áreiti á vinnustað Flugfreyjuhattar Icelandair frá tískurisanum Balenciaga fá nýtt líf Ekki lengur smeykur við að deila kastljósinu með Katrínu Jón Jónsson selur glæsihús á Seltjarnarnesi Kynferðislegt ofbeldi: Kynlíf eftir áföll Karlakórinn Esja tók frægasta slagara Backstreet Boys Flott flutti ódauðlega slagara með Sálinni og Ásgeiri Trausta Myndaveisla: Pattra og Gugusar hressastar í drykkjarpartýi Steggjun endaði á árshátíð RÚV Allt klárt fyrir tilraun við heimsmet í Hlíðarfjalli Hvað ber að hafa í huga þegar hvolpur kemur á heimilið Lagið Yfirgefinn varð til þegar Valdimar öskraði á hljómsveitarmeðlimi Félag Rikka Daða selur einbýli sem áður var í eigu Rikka Daða Öskur á tónleikum Laufeyjar öfugt ofan í aðdáendur „Óraunverulegustu fréttir sem við getum fært“ Vaknaði í angist alla morgna Stjörnulífið: „Þá er maður bara að sigla inní 17. mánuðinn á þessari meðgöngu“ Ragga Gísla útskýrir gjörninginn Fred Armisen kemur til Íslands Stjörnum hlaðið partý: Viktoría Beckham á hækjum í fimmtugsafmælinu Myndaveisla: Athafnakonur fögnuðu 25 ára afmæli á Edition „Ætla að verða 130 ára þannig að það er nægur tími til stefnu“ Litríkur og ljúffengur vikumatseðill Jönu MA vann MORFÍs Sjá meira