Handbolti

Enginn deildarbikar í handboltanum

Henry Birgir Gunnarsson skrifar
Fram er deildarbikarmeistari og verður það eitthvað áfram.
Fram er deildarbikarmeistari og verður það eitthvað áfram. vísir/stefán
HSÍ staðfesti í dag að það verði enginn deildarbikar í handboltanum á milli jóla og nýárs þetta árið.

Það var að ósk félaganna sem ákveðið var að fella keppnina niður að þessu sinni. Stjórn HSÍ tók svo málið fyrir og samþykkti niðurstöðu félaganna.

Þó svo það verði enginn deildarbikar að þessu sinni er ekki útilokað að hann verði spilaður á öðrum tíma á næsta tímabili.

Sigurvegari keppninnar hefur fengið sæti í Evrópukeppni að launum og laganefnd HSí mun koma með tillögu fyrir næsta fund stjórnar HSÍ um hvert Evrópukeppnissætið fari.




Fleiri fréttir

Sjá meira


×