Emil og félagar gulltrygðu sæti sitt með sigri

Ástrós Ýr Eggertsdóttir skrifar
Emil í leik með Udinese
Emil í leik með Udinese Mynd/Getty
Emil Hallfreðsson var í byrjunarliði Udinese í síðasta leik tímabilsins á Ítalíu þegar liðið mætti Bologna á heimavelli.

Emil spilaði nær allan leikinn en hann var tekin af velli undir lokin. Seko Fofana skoraði eina mark leiksins á 30. mínútu eftir laglegan sóknarleik heimamanna.

Úrslitin þýða að Udinese lýkur leik í 14. sæti deildarinnar með 40 stig. Fyrir loka umferðina var Juventus búið að tryggja sér sigurinn í deildinni en mikil spenna er fyrir leik Lazio og Inter sem hefst seinna í kvöld. Með sigri jafnar Inter Lazio að stigum í fjórða og síðasta Meistaradeildarsætinu en markatala Inter er sex mörkum lakari en Lazio. Inter þarf því að vinna með að minnsta kosti fjórum mörkum til þess að stela fjórða sætinu.

AC Milan lauk leik á stórsigri á Fiorentina og tryggði sér sjötta sætið og þar með sæti í Evrópudeildinni á næsta tímabili.

Bein lýsing

Leikirnir






    Fleiri fréttir

    Sjá meira