EM dagbók: Ekkert meir „we almost beat them“ á Stade de France Kolbeinn Tumi Daðason skrifar 21. júní 2016 08:00 Byrjunarlið Íslands í leiknum á Stade de France í október árið 1999. Eiður Smári Guðjohnsen kom inn á í leiknum. Vísir/Getty Leikurinn gegn Portúgal var sá stærsti, svo var það leikurinn gegn Ungverjum og nú er það leikurinn gegn Austurríki. Sæti í sextán liða úrslitum er undir og okkar menn ætla sér stóra hluti. Sigur fleytir strákunum áfram, jafntefli líklega sömuleiðis en vonin er veik verði niðurstaðan tap. Hugmyndin að íslenskt landslið komist í úrslitakeppni á stórmóti í knattspyrnu karla er svo fjarlæg. Það sem heldur trúnni hins vegar gangandi eru þessir strákar. Strákarnir sem fóru í umspil fyrir HM 2014 eftir frábæra undankeppni. Strákarnir sem unnu Holland heima og úti í síðustu undankeppni. Strákarnir sem pökkuðu Tyrkjum saman á heimavelli og sneru við töpuðum leik gegn Tékkum á Laugardalsvelli af mikilli fagmennsku. Strákarnir sem gerðu jafntefli við Portúgal í fyrsta leik sínum á stórmóti. Strákarnir sem voru andartökum frá sigri gegn Ungverjum á sama móti. Þessir strákar geta allt. Þeir geta lagt hvaða lið sem er að velli, ég fer ekkert ofan af því. Austurríkismenn gætu orðið næsta bráð þeirra og það ætti ekki að koma neinum á óvart.Bjartsýni og svartsýni Enginn í hópi fjölmiðlamanna hér í Frakklandi er tilbúinn að fara heim eftir leikinn í París. Alla dreymir um að fagna sæti í sextán liða úrslitum í París og að ævintýrið haldi áfram. Sumir eru bjartsýnir en aðrir svartsýnir. Hinir bjartsýnu byggja á karakter og getu strákanna okkar en hinir svartsýnu eiga einfaldlega erfitt með að sjá sjá fyrir sér karlalandsliðið í sextán liða úrslitum á stórmóti. Það er auðveldara að vera svartsýnn og geta dottið í „I told you so“ stemninguna frekar en að gera sér háleitar vonir og verða fyrir miklum vonbrigðum. Strákarnir okkar tóku létta æfingu í gær að sögn Heimis Hallgrímssonar þjálfara. Okkar menn eru í endurheimt eftir leikina tvo en mestar áhyggjur eru af Aroni Einari Gunnarssyni landsliðsfyrirliða sem glímir við meiðsli. Líkur eru á að hann æfi lítið fram að leiknum gegn Austurríki en verði þeim mun meira undir vökulu auga sjúkrateymisins og flýti fyrir endurheimt í ísböðum. Nærvera hans skiptir liðið öllu máli og óhætt að fullyrða að betur hefði gengið að halda boltanum innan liðsins í leikjunum tveimur á EM hefði Aron gengið heill til skógar. Á tíma mínum í Annecy hef ég verið svo heppinn að kynnast fjölskyldum tveggja af bestu leikmönnum okkar í dag, Alfreðs og Arons Einars. Það er alveg ljóst að baklandið sem drengirnir tveir hafa haft hefur skipt sköpum upp á hvar þeir eru í dag. Áhugi foreldra á iðkun barnanna og aðstoð skiptir öllu. Auðvitað eru þeir báðir metnaðarfullir, ákveðnir og hæfileikaríkir en fyrirtaksfjölskylda rammar þessa hluti inn og gefur drengjunum færi á að blómstra, sem þeir hafa báðir gert. Á mínum yngri árum man ég eftir fjölmörgum strákum sem sköruðu fram úr í fótbolta, og höfðu á sínum tíma mikla hæfileika og alla burði til að skara fram úr. En baklandið vantaði víða og er klárlega einn lykilþátturinn í möguleika íþróttafólks að ná langt.Ekkert „almost“ í þetta skiptið Strákarnir ferðast til Parísar í dag og æfa á Stade de France eftir hádegið þar sem leikurinn gegn Austurríki fer fram á morgun, klukkan 16 að íslenskum tíma. Strákarnir kalla eftir því að stuðningsmenn Íslands, sem hafa verið frábærir, mæti tímanlega á leikinn og hjálpi sér að komast í gírinn strax í upphitun. Leikvangurinn tekur rúmlega 80 þúsund manns í sæti og afar fáir í íslenska hópnum sem hafa spilað á svo stórum leikvangi. Á þessum sama velli mættum við þáverandi heimsmeisturum Frakka í eftirminnilegum leik í undankeppni EM 2000. „We almost beat them“ er setting seem oft er notuð um leikinn sem lauk með 3-2 tapi. Eftir leikinn á morgun getum við vonandi hætt að tala um leikinn á Stade de France sem við unnum næstum því og frekar minnst leiksins sem þess þegar strákarnir okkar tryggðu sér sæti í sextán-liða úrslitum á stórmóti, í fyrstu tilraun.Að neðan má sjá svipmyndir úr leiknum á Stade de France 9. október 1999. EM 2016 í Frakklandi Mest lesið „Bjóst ekki við að þetta myndi enda svona“ Fótbolti Viktor Gísli sagður á leið til Barcelona Handbolti Djokovic segir þjálfaranum upp Sport Dagskráin í dag: Grannaslagur og körfuboltaveisla Sport „Flottur sigur og heilt yfir fín frammistaða“ Fótbolti „Þið sem fjallið um þetta verðið að skilja það að þið eruð ekki á æfingum“ Handbolti „Hörkuleikur sem sveiflast fram og til baka en rosalegur karakter að ná að klára þetta“ Handbolti „Við erum ekkert orðnar Íslandsmeistarar þó svo að við vinnum Keflavík einu sinni“ Körfubolti Umfjöllun og viðtöl: Grindavík-Keflavík 78-61 | Bikarmeistararnir bakaðir í Smáranum Körfubolti Fimmtu undanúrslitin á sjö árum Fótbolti Fleiri fréttir „Ég er tilbúinn“ „Bjóst ekki við að þetta myndi enda svona“ „Flottur sigur og heilt yfir fín frammistaða“ Fimmtu undanúrslitin á sjö árum Umfjöllun: Breiðablik - ÍA 4-1 | Blikar unnu Lengjubikarinn með sigri gegn Skaganum Lyon nokkuð örugglega í undanúrslit Grindvíkingar leggja niður yngri flokka Rasmus til Eyja Messi: Ég hætti þegar ég get ekki lengur hjálpað mínum liðsfélögum Skagamenn geta unnið fyrsta titil sinn í meira en tvo áratugi Meiðslavandræði á Man. City fyrir stórleikinn á móti Arsenal Sigurinn á Íslandi var „gjöf til úkraínsku þjóðarinnar“ Man. United sagt vilja fá stjóra Úlfanna í þjálfarateymið sitt Albert átti ekki bara eitt heldur tvö af flottustu mörkum umspilsins Haaland baðst afsökunar eftir leik Myndasyrpa frá tapinu grátlega gegn Úkraínu Þór/KA sækir markvörð til Bandaríkjanna Pólland síðasta þjóðin inn á EM „Mér finnst ég hafa nóg fram að bjóða í þessu liði“ Åge Hareide: Framtíðin er björt „Vorum svo ógeðslega nálægt þessu“ „Hann var alltaf mættur“ Einkunnir Íslands: Albert og Hákon bestir í grátlegu tapi „Vorum grátlega nálægt þessu“ Umfjöllun: Úkraína - Ísland 2-1 | EM-draumurinn úti „Eins og gæi sem var með vesen á Astró svona 2002“ Sjáðu mörkin: Úkraína kláraði dæmið í lokin Georgía á EM eftir sigur í vítaspyrnukeppni Byrjunarlið Íslands: Þrjár breytingar frá sigrinum á Ísrael Engin innstæða í Tékklandi Sjá meira
Leikurinn gegn Portúgal var sá stærsti, svo var það leikurinn gegn Ungverjum og nú er það leikurinn gegn Austurríki. Sæti í sextán liða úrslitum er undir og okkar menn ætla sér stóra hluti. Sigur fleytir strákunum áfram, jafntefli líklega sömuleiðis en vonin er veik verði niðurstaðan tap. Hugmyndin að íslenskt landslið komist í úrslitakeppni á stórmóti í knattspyrnu karla er svo fjarlæg. Það sem heldur trúnni hins vegar gangandi eru þessir strákar. Strákarnir sem fóru í umspil fyrir HM 2014 eftir frábæra undankeppni. Strákarnir sem unnu Holland heima og úti í síðustu undankeppni. Strákarnir sem pökkuðu Tyrkjum saman á heimavelli og sneru við töpuðum leik gegn Tékkum á Laugardalsvelli af mikilli fagmennsku. Strákarnir sem gerðu jafntefli við Portúgal í fyrsta leik sínum á stórmóti. Strákarnir sem voru andartökum frá sigri gegn Ungverjum á sama móti. Þessir strákar geta allt. Þeir geta lagt hvaða lið sem er að velli, ég fer ekkert ofan af því. Austurríkismenn gætu orðið næsta bráð þeirra og það ætti ekki að koma neinum á óvart.Bjartsýni og svartsýni Enginn í hópi fjölmiðlamanna hér í Frakklandi er tilbúinn að fara heim eftir leikinn í París. Alla dreymir um að fagna sæti í sextán liða úrslitum í París og að ævintýrið haldi áfram. Sumir eru bjartsýnir en aðrir svartsýnir. Hinir bjartsýnu byggja á karakter og getu strákanna okkar en hinir svartsýnu eiga einfaldlega erfitt með að sjá sjá fyrir sér karlalandsliðið í sextán liða úrslitum á stórmóti. Það er auðveldara að vera svartsýnn og geta dottið í „I told you so“ stemninguna frekar en að gera sér háleitar vonir og verða fyrir miklum vonbrigðum. Strákarnir okkar tóku létta æfingu í gær að sögn Heimis Hallgrímssonar þjálfara. Okkar menn eru í endurheimt eftir leikina tvo en mestar áhyggjur eru af Aroni Einari Gunnarssyni landsliðsfyrirliða sem glímir við meiðsli. Líkur eru á að hann æfi lítið fram að leiknum gegn Austurríki en verði þeim mun meira undir vökulu auga sjúkrateymisins og flýti fyrir endurheimt í ísböðum. Nærvera hans skiptir liðið öllu máli og óhætt að fullyrða að betur hefði gengið að halda boltanum innan liðsins í leikjunum tveimur á EM hefði Aron gengið heill til skógar. Á tíma mínum í Annecy hef ég verið svo heppinn að kynnast fjölskyldum tveggja af bestu leikmönnum okkar í dag, Alfreðs og Arons Einars. Það er alveg ljóst að baklandið sem drengirnir tveir hafa haft hefur skipt sköpum upp á hvar þeir eru í dag. Áhugi foreldra á iðkun barnanna og aðstoð skiptir öllu. Auðvitað eru þeir báðir metnaðarfullir, ákveðnir og hæfileikaríkir en fyrirtaksfjölskylda rammar þessa hluti inn og gefur drengjunum færi á að blómstra, sem þeir hafa báðir gert. Á mínum yngri árum man ég eftir fjölmörgum strákum sem sköruðu fram úr í fótbolta, og höfðu á sínum tíma mikla hæfileika og alla burði til að skara fram úr. En baklandið vantaði víða og er klárlega einn lykilþátturinn í möguleika íþróttafólks að ná langt.Ekkert „almost“ í þetta skiptið Strákarnir ferðast til Parísar í dag og æfa á Stade de France eftir hádegið þar sem leikurinn gegn Austurríki fer fram á morgun, klukkan 16 að íslenskum tíma. Strákarnir kalla eftir því að stuðningsmenn Íslands, sem hafa verið frábærir, mæti tímanlega á leikinn og hjálpi sér að komast í gírinn strax í upphitun. Leikvangurinn tekur rúmlega 80 þúsund manns í sæti og afar fáir í íslenska hópnum sem hafa spilað á svo stórum leikvangi. Á þessum sama velli mættum við þáverandi heimsmeisturum Frakka í eftirminnilegum leik í undankeppni EM 2000. „We almost beat them“ er setting seem oft er notuð um leikinn sem lauk með 3-2 tapi. Eftir leikinn á morgun getum við vonandi hætt að tala um leikinn á Stade de France sem við unnum næstum því og frekar minnst leiksins sem þess þegar strákarnir okkar tryggðu sér sæti í sextán-liða úrslitum á stórmóti, í fyrstu tilraun.Að neðan má sjá svipmyndir úr leiknum á Stade de France 9. október 1999.
EM 2016 í Frakklandi Mest lesið „Bjóst ekki við að þetta myndi enda svona“ Fótbolti Viktor Gísli sagður á leið til Barcelona Handbolti Djokovic segir þjálfaranum upp Sport Dagskráin í dag: Grannaslagur og körfuboltaveisla Sport „Flottur sigur og heilt yfir fín frammistaða“ Fótbolti „Þið sem fjallið um þetta verðið að skilja það að þið eruð ekki á æfingum“ Handbolti „Hörkuleikur sem sveiflast fram og til baka en rosalegur karakter að ná að klára þetta“ Handbolti „Við erum ekkert orðnar Íslandsmeistarar þó svo að við vinnum Keflavík einu sinni“ Körfubolti Umfjöllun og viðtöl: Grindavík-Keflavík 78-61 | Bikarmeistararnir bakaðir í Smáranum Körfubolti Fimmtu undanúrslitin á sjö árum Fótbolti Fleiri fréttir „Ég er tilbúinn“ „Bjóst ekki við að þetta myndi enda svona“ „Flottur sigur og heilt yfir fín frammistaða“ Fimmtu undanúrslitin á sjö árum Umfjöllun: Breiðablik - ÍA 4-1 | Blikar unnu Lengjubikarinn með sigri gegn Skaganum Lyon nokkuð örugglega í undanúrslit Grindvíkingar leggja niður yngri flokka Rasmus til Eyja Messi: Ég hætti þegar ég get ekki lengur hjálpað mínum liðsfélögum Skagamenn geta unnið fyrsta titil sinn í meira en tvo áratugi Meiðslavandræði á Man. City fyrir stórleikinn á móti Arsenal Sigurinn á Íslandi var „gjöf til úkraínsku þjóðarinnar“ Man. United sagt vilja fá stjóra Úlfanna í þjálfarateymið sitt Albert átti ekki bara eitt heldur tvö af flottustu mörkum umspilsins Haaland baðst afsökunar eftir leik Myndasyrpa frá tapinu grátlega gegn Úkraínu Þór/KA sækir markvörð til Bandaríkjanna Pólland síðasta þjóðin inn á EM „Mér finnst ég hafa nóg fram að bjóða í þessu liði“ Åge Hareide: Framtíðin er björt „Vorum svo ógeðslega nálægt þessu“ „Hann var alltaf mættur“ Einkunnir Íslands: Albert og Hákon bestir í grátlegu tapi „Vorum grátlega nálægt þessu“ Umfjöllun: Úkraína - Ísland 2-1 | EM-draumurinn úti „Eins og gæi sem var með vesen á Astró svona 2002“ Sjáðu mörkin: Úkraína kláraði dæmið í lokin Georgía á EM eftir sigur í vítaspyrnukeppni Byrjunarlið Íslands: Þrjár breytingar frá sigrinum á Ísrael Engin innstæða í Tékklandi Sjá meira