Lífið

Elton John gaf elskunni James Corden „lagið sitt“

Kolbeinn Tumi Daðason skrifar
Óhætt er að segja að bíltúrar James Corden með mörgum af bestu tónlistarmönnum samtímans hafi slegið í gegn. Adele og Chris Martin hafa farið á kostum undanfarnar vikur en nú er röðin komin að kóngnum sjálfum, Reginald Dwight.

Dwight, sem er mun þekktari undir nafninu Sir Elton John, skellti sér í bíltúr með Corden þar sem félagarnir sungu nokkra af slögurum John en ferill hans spannar yfir fjörutíu ár.

Your Song, Crocodile Rock, I’m Still Standing, Tiny Dancer, Circle of Life og fleiri slagarar fengu að hljóma. Þess á milli grínuðust þeir, Elton rifjaði upp tilurð laga og sagði fyndnar sögur af sjálfum sér.

Í laginu Your Song, líklega vinsælasta slagara Elton, sagði söng- og píanóleikarinn:

„Elskan, þetta lag er fyrir þig.“

Þá kom fram að Elton gengur ekki um með farsíma. Corden benti honum á að hann gæti rænt honum og hann gæti ekki einu sinni hringt til að láta bjarga sér. Grínaðist Elton að það hefði verið draumur hans lengi.


Tengdar fréttir






Fleiri fréttir

Sjá meira


×