Innlent

Elín Hirst skorar á þingmenn að breyta umræðuhefðinni á Alþingi

Nanna Elísa Jakobsdóttir skrifar
Elín Hirst talaði minnst allra þingmanna.
Elín Hirst talaði minnst allra þingmanna. Vísir
„Umræðuhefðin á hinu háa Alþingis verður að breytast hið snarasta.  Þingmenn lofa öllu fögru í upphafi og lok hvers þings, en síðan verða efndirnar engar,“ skrifar Elín Hirst í færslu á Eyjunni í dag. Hún er sá þingmaður sem talaði minnst á því þingári sem lauk í síðustu viku.

„Þar sem ég sit í sæti 53 í þingsalnum furða ég mig á því hvað þar fer fram.  Alltof oft snúast umræðurnar um hver eigi heiðurinn að hverju og hver hafi klúðrað hverju. Niðrandi orð eru látin falla um persónur.  Engum er hrósað nema að hann sé í rétta liðinu.  Öllu er snúið á versta veg.“

Elín segist aldrei hafa kynnst slíku andrúmslofti á vinnustað á þrjátíu ára starfsferli. „Auðvitað eru stjórnmál óvægin en þau verða að vera málefnalegri. Ég hef mjög gaman af því að tjá mig opinberlega og tel mig hafa margt gott til mála að leggja, en ég hef ekki áhuga á að taka þátt í svona umræðum. Ég skora á alþingsmenn að skoða hug sinn gaumgæfilega og breyta þessu.“




Fleiri fréttir

Sjá meira


×