Innlent

Eldur í húsi við Vesturgötu

sunna karen sigurþórsdóttir skrifar
Eldur kom upp í fjölbýlishúsi við Vesturgötu um klukkan átta í morgun. Allt tiltækt lið slökkviliðsins var kallað út en samkvæmt upplýsingum fá varðstofu eru reykkafarar nú á leið inn í húsið.

Frekari upplýsingar liggja ekki fyrir að svo stöddu.

Þetta er annað útkallið sem slökkviliðið fær í morgun. Hið fyrra um klukkan sex þegar eldur kom upp í húsi við Kleppsveg. Reykræstingu þar er lokið og er málið nú í rannsókn lögreglu.

Ekki hafa fengist upplýsingar um hvort einhverja hafi sakað í eldsvoðunum.

Uppfært kl 8.38:

Búið er að slökkva eldinn sem kom upp í íbúð í kjallara hússins. Samkvæmt upplýsingum frá íbúa var mikill reykur um allt hús og íbúar forðuðu sér út skelfingu lostnir.

Frá Vesturgötunni í morgun.vísir/sigurjón ólason
Frá Kleppsvegi í morgun.vísir/sigurjón ólason

Tengdar fréttir




Fleiri fréttir

Sjá meira


×