Ekkert vín í kjallara Steingríms og Ingólfs
Steingrímur Kárason var framkvæmdastjóri áhættustýringar Kaupþings fyrir hrun og Ingólfur Helgason var forstjóri bankans á Íslandi. Báðir eru nú til rannsóknar hjá embætti sérstaks saksóknara og sættu um tíma farbanni vegna þess.
Slitastjórnina hefur lengi grunað að í húsnæðinu kynni að vera að finna birgðir af dýru víni í eigu Ingólfs og Steingríms að andvirði á þriðja hundrað milljóna. Samkvæmt heimildum Fréttablaðsins býr slitastjórnin yfir upplýsingum, meðal annars innkaupanótum, sem sýna eiga fram á stórfelld kaup þeirra á eðalvínum.
Hins vegar var gengið frá kjallaranum þannig að ómögulegt var að sjá inn í hann og meðal annars var búið að byrgja fyrir þá fáu glugga sem á honum voru. Sýslumaðurinn í Reykjavík féllst á kröfu slitastjórnarinnar um að kyrrsetja húsið í fyrrasumar, líkt og aðrar eignir tvímenninganna, til tryggingar kröfum sem gerðar voru á þá vegna stórfelldra lána til hlutabréfakaupa.
Sýslumaður féllst hins vegar ekki á að hleypa slitastjórninni inn í 240 fermetra geymsluhúsnæðið að Smiðshöfða. Slitastjórnin fór með málið fyrir dómstóla, og í síðustu viku kvað Hæstiréttur upp endanlegan dóm: kjallarinn skyldi opnaður.
„Það kom ekkert í ljós, eins og vitað var og var löngu búið að segja slitastjórninni. Engin dulin verðmæti, leyndir sjóðir, vínkjallari eða neitt svoleiðis," segir Jóhannes Bjarni Björnsson, lögmaður Steingríms, sem var viðstaddur fyrir hans hönd þegar farið var inn í húsnæðið í fyrradag.
Í kjallaranum voru einungis búslóðir á vegum tvímenninganna og annarra, sem slitastjórnin telur ekki verðmætar, og bilaður bíll, árgerð 2004, sem slitastjórnin hafði þegar fengið kyrrsettan.
stigur@frettabladid.is
- Fréttir
- Sport
- Viðskipti
- Lífið
Nýjast á Vísi
Fréttir eftir mánuði
Hér má finna fréttir eftir mánuði.
Fréttablaðið
Skoðun
Slegist við strámann á Fjöllum
Hjörleifur Sveinbjörnsson
Merkilegur andskoti hvað við erum léleg að ræða málin. Hér er lenska að virða ekki skoðanir, rökræða ekki...
Skoðun
Hin "sterka vísindahyggja“
Ólafur Þ. Stephensen
Svandís Svavarsdóttir umhverfisráðherra skrifaði athyglisverða grein hér í blaðið í síðustu viku, í framh...
Stöð2
- Ísland í dag
- Kvöldfréttir
- Veðurfréttir
- Sími 512 5000
- Hafðu samband
- Starfsfólk
- Umferð
- Veftré
- Auglýsingar
- 365 Skaftahlíð 24 105 Reykjavík Sími: 512 5000