FÖSTUDAGUR 29. JÚLÍ NÝJAST 07:00

Hreinsanir hjá Man Utd: Schweinsteiger líklega á förum

SPORT

Ekkert hungur í leikmönnum Arsenal sem skilja ekki stöđuna sem liđiđ er í

 
Enski boltinn
07:30 29. FEBRÚAR 2016
Arsene Wenger getur ekki horft.
Arsene Wenger getur ekki horft. VÍSIR/GETTY

„Tap Arsenal á móti Manchester United var sérstaklega svekkjandi því það sýndi að leikmenn liðsins hafa ekki andlegan styrk til þess að berjast um titilinn.“

Þetta segir Ian Wright, fyrrverandi framherji Arsenal, um sitt gamla lið í uppgjöri á stórleik helgarinnar í ensku úrvalsdeildinni þar sem Skytturnar töpuðu fyrir vængbrotnu liði Manchester United, 3-2.

Sjá einnig: Wenger: Fengum of auðveld mörk á okkur

„Stuðningsmenn Arsenal vita að liðið á mikinn möguleika á að vinna úrvalsdeildina en liðið virðist ekki skilja stöðuna sem það er komið í og hvað þarf til að klára verkefnið,“ segir Wright.

Arsenal mætti með sitt sterkasta lið á Old Trafford á sama tíma og Louis van Gaal þurfti að stilla upp hinum 18 ára gamla Marcus Rashford í sínum fyrsta úrvalsdeildarleik.

Ashford þakkaði traustið og skoraði tvö mörk annan leikinn í röð, en hann skaust fram á sjónarsviðið á fimmtudagskvöldið með tveimur mörkum í Evrópudeildarleik gegn Midtjylland.

Sjá einnig: Rashford fer í efnafræðipróf á morgun

„Það eru ellefu leikir eftir, en eins og staðan er sé ég ekki lið sem getur unnið deildina þegar ég horfi á Arsenal,“ segir Wright, en Arsenal er þó ekki nema fimm stigum á eftir toppliði Leicester og þremur stigum á eftir Tottenham sem er í öðru sætinu.

„Leicester eða Tottenham vinnur deildina en ég veit ekki hvort þeirra það verður,“ segir Ian Wright.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Enski boltinn / Ekkert hungur í leikmönnum Arsenal sem skilja ekki stöđuna sem liđiđ er í
Fara efst