Eitt mark frá Vigni í tapi

Vignir Svavarsson skoraði eitt mark í tapi HC Midtjylland gegn Álaborg, 29-26, í dönsku úrvalsdeildinni í handbolta í dag.

Gestirnir í Álaborg voru sterkari aðilinn og leiddu með tveimur mörkum í hálfleik, 17-15. Þeir héldu forystunni í síðari hálfleik og unnu að lokum þriggja marka sigur, 29-26.

Vignir skoraði eitt mark úr þremur skotum, gaf eina stoðsendingu og var einu sinni vikið af velli.

Leikið er í tveimur fjögurra leikja riðlum og efstu liðin í hvorum riðli fara í úrslit. Vignir og félagar eru ekki á leiðinni í úrslitin.