Fótbolti

Einn efnilegasti leikmaður heims til Real Madrid

Ingvi Þór Sæmundsson skrifar
Lucas Silva er nýjasti liðsmaður Real Madrid.
Lucas Silva er nýjasti liðsmaður Real Madrid. vísir/getty
Real Madrid hefur í vikunni krækt í tvo af efnilegustu leikmönnum heims.

Norska ungstirnið Martin Ödegaard skrifaði á fimmtudaginn undir samning við spænska stórveldið og í gær samdi liðið við brasilíska miðjumanninn Lucas Silva.

Silva, sem er 21 ára, kemur frá Cruzeiro í heimalandinu en hann skrifaði undir fimm og hálfs árs samning við Evrópumeistarana. Talið er að kaupverðið sé í kringum 14 milljónir evra.

Silva verður kynntur til leiks hjá Real Madrid á mánudagurinn eftir að hafa gengist undir læknisskoðun.

Silva, sem á enn eftir að spila fyrir brasilíska A-landsliðið, vann tvo deildartitla með Cruzeiro. Hann var valinn besti varnarsinnaði miðjumaður brasilísku deildarinnar á síðasta tímabili.




Fleiri fréttir

Sjá meira


×