Eimskip tekur dýfu í kauphöllinni

Aðalsteinn Kjartansson skrifar 16. október 2014 15:55

Forstjóri Eimskipa er meðal þeirra starfsmanna sem Samkeppniseftirlitið hefur kært til sérstaks saksóknara. Vísir / Stefán

Hlutabréfagengi í Eimskipafélagið Íslands hefur tekið dýfu í kjölfar umfjöllunar Kastljóss um kæru til sérstaks saksóknara vegna meints samráðs á milli fyrirtækisins og Samskipa. Gengi bréfa í félaginu lækkuðu um 4,96 prósent í gær og hefur haldið áfram að lækka í dag.

Kauphöllin tilkynnti í morgun að hlutabréf í Eimskipafélaginu hafi fengið athugunarmerkingu. Það þýðir að vakin sé athygli markaðarins á sérstökum aðstæðum sem tengjast félaginu og að ástæða sé fyrir fjárfesta að vera meðvitaðir um.

Forstjóri og nokkrir aðrir starfsmenn Eimskips voru kærðir af Samkeppniseftirlitinu til sérstaks saksóknara fyrir samráð. Í tilkynningu frá félaginu var því hafnað með öllu að samkeppnislög hafi verið brotin.

Kauphöllin Eimskip Samkeppnismál Ólöglegt samráð Eimskips og Samskipa Skipaflutningar

Tengdar fréttir

Telja það með öllu óásættanlegt að stjórnvöld afhendi fjölmiðlum upplýsingar

Vegna frétta síðustu daga um ætlað samráð á flutningamarkaði hefur Samskip sent frá sér yfirlýsingu en Samkeppniseftirlitið hefur kært ellefu starfsmenn Samskipa og Eimskipa til sérstaks saksóknara fyrir stórfelld brot á samkeppnislögum.

16. október 2014 15:44

Kærð fyrir samkeppnislagabrot

Samkeppniseftirlitið hefur kært ellefu starfsmenn Samskipa og Eimskipa til sérstaks saksóknara fyrir stórfelld brot á samkeppnislögum.

14. október 2014 22:10

Eimskip og Samskip hafna ásökunum um samkeppnisbrot

Vegna umfjöllunar RÚV í gær, 14. október, vilja Samskip og Eimskip koma því á framfæri að félögin vísa bæði á bug þeim ásökunum um samkeppnisbrot sem þar komu fram.

15. október 2014 11:11

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.