Eiður Smári: Geri allt til þess að halda sætinu í hópnum ef við komumst á EM Kolbeinn Tumi Daðason skrifar 2. september 2015 14:15 Eiður Smári Guðjohsnen var einbeittur á svip þegar hann hitti blaðamenn fyrir á hóteli landsliðsins í dag. Eiður er bæði reynslumesti leikmaður liðsins og sá markahæsti frá upphafi, skreyttur verðlaunum eftir langan feril í atvinnumennsku. Eiður og félagar voru rétt búnir að snæða eggjaköku og fínerí að lokinni æfingu á keppnisvellinum, Amsterdam Arena. Hann sötraði kaffibolla og ræddi í rólegheitum við blaðamenn. „Það er alltaf gott að fá að kynnast vellinum sem við spilum á,“ sagði Eiður við blaðamann Vísis. Þjálfararnir voru ekki að leggja mikla áherslu á taktík heldur voru menn meira að hlaupa og taka skotæfingar. Ástæðan, oftar en ekki leynast augu á svo stórum leikvöngum sem ekki væri sniðugt að leyfa að vita of mikið um áætlun íslenska liðsins. Eiður Smári spilar sem kunnugt er í Kína en átta tíma munur er á Kína og Íslandi. Hann sneri hins vegar til Íslands í síðustu viku og hélt þaðan til Hollands á mánudagsmorgun með fararstjórn og þjálfurum. „Það er mun auðveldara að venjast tímamismuninum þegar maður kemur aftur til Evrópu,“ segir Eiður sem átti nokkuð erfitt með svefn fyrstu dagana eftir að hann flutti til Kína fyrir um tveimur mánuðum. „Við áttum ekki leik um helgina þannig að við Kínverjarnir þrír (Eiður auk Sölva Geirs Ottesen og Viðars Arnar Kjartanssonar) vorum komnir viku fyrr. Það hefur sína kosti og galla.“Eiður Smári Guðjohnsen og Gylfi Þór Sigurðsson á æfingu í gær. Vísir/ValliÖðruvísi menning og umgjörð í Kína Eiður Smári spilaði 90 mínútur í síðasta leik sem hann segir hafa verið mikilvægt. Gott hafi verið að fá smá hvíld í kjölfarið. „Ég er eins vel undirbúinn og tilbúinn í leikinn og hægt er,“ segir framherjinn sem verður 37 ára eftir tæpar tvær vikur. „Ein af ástæðunum fyrir því að ég fór til Kína var að komast í rútínuna og það strax. Ég ætti að vera í fínu standi.“ Reynsluboltinn jánkar því að Kína sé allt öðruvísi en hann hafi áður kynnst. Eiður hefur spilað á Englandi, Spáni, Hollandi og Frakklandi auk Grikklands, Belgíu og Íslands. „Bæði menningin og umgjörðin er allt önnur. Kínverski fótboltinn er svolítið öðruvísi en sá evrópski. En það er æft stíft og vel, svo eru hörkuleikir líka,“ segir Eiður. Stærsti munurinn sé kannski sá að hraðinn í sumum leikjum er ekki sá sami og í Evrópu. „Það hefur kannski líka mikið með hitastigið að gera. Það er rosalega heitt og rakt yfir sumartímann. Það fer líka mikil orka í það.“Eiður Smári Guðjohnsen spilaði með Bolton á síðustu leiktíð en fékk ekki boð um áframhaldandi samning.Vísir/GettyFótbolti er sama tungumálið alls staðar Allra þjóða menn eru í kínverska liðinu Shijiazhuang Ever Bright F.C. þótt langflestir séu kínverskir. Þjálfarinn er búlgarskur en Eiður segir flest samskipti fara fram á ensku. „Fótbolti, er það ekki sama tungumálið alls staðar? Ef menn kunna að spila fótbolta þá skilja þeir hver annan.“ Samningur Eiðs Smára við kínverska liðið er til fjögurra mánaða þannig að það líður að lokum hans. Hann segist ekki hafa mikið spáð í framhaldinu. „Auðvitað fer maður að huga að því þegar tímabilið fer að verða búið hvað tekur við. Sérstaklega hvað landsliðið varðar. Ég ætla að vera í mínu besta standi í næstu leikjum og ef við förum í lokakeppnina ætla ég að gera allt til að halda sæti mínu í hópnum.“Eiður varð tvívegis enskur meistari með Chelsea.vísir/gettyVerðum að vera raunsæir - þetta verður erfitt Eiður Smári man tímana tvenna og hefur spilað á flestum glæsilegustu völlum Evrópu. Amsterdam Arena er svo sannarlega glæsilegur, fagnar 20 ára afmæli á næsta ári og tekur rúmlega 50 þúsund manns í sæti. Uppselt er á völlinn þar sem 3000 Íslendingar etja kappi við hollenska stuðningsmenn í stúkunni. Eiður á von á erfiðum leik annað kvöld. „Það er alveg sama á hvaða tímapunkti þú kemur og spilar við hollenska landsliðið á þeirra heimavelli. Auðvitað er gott að sjálfstraustið í liðinu er mikið og það er kannski eðlilegt miðað við úrslitin. En við verðum að vera raunsæir og við vitum að þetta verður mjög erfitt. Íslenska landsliðið tapaði 2-0 í síðustu heimsókn sinni til Hollands í undankeppni fyrir HM 2010. Þá var leikið í Feyenoord og var um enn eitt tapið að ræða í riðli þar sem Ísland hafnaði í botnsætinu með fimm stig. Nú eru breyttir tímar og allt annað en jafntefli eða sigur yrðu mikil vonbrigði fyrir okkar menn þótt vissulega standi undankeppnin hvorki né falli með úrslitunum. Ekki í tilfelli Íslands að minnsta kosti.Eiður Smári Guðjohnsen hefur skorað 25 mörk í 79 leikjum fyrir A-landslið Íslands.VísirTek því hlutverki sem mér er gefið „Hugsanahátturinn í kringum landsliðið hefur breyst mikið á undanförnum árum. Það kemur með sjálfu sér þegar leikmenn horfa með stærri augum á sjálfa sig og liðsfélagana, vita nákvæmlega hverju er hægt að ná þegar við spilum okkar besta leik. Við þurfum að eiga mjög góðan leik og vera mjög skipulagðir til að ná í úrslit. Við gætum jafnvel spilað frábæran leik og ekki fengið neitt en við pælum ekkert í því,“ segir Eiður og glottir. Eiður kom ekkert við sögu í 2-1 sigrinum á Tékklandi en fagnaði þó manna best í leikslok þegar úrslitin voru ljós. Víst er að Eiður Smári, eins og allir aðrir, verður svekktur þegar hann fær ekki að spila, en á hann von á því að byrja annað kvöld? „Eins og ég sagði fyrir Tékkaleikinn þá tek ég því hlutverki sem mér er gefið. Ég held að enginn innan hópsins komi til að spila ekki. Allir undirbúa sig á sama hátt - til að spila. Hvort sem það er í 90 mínútur eða fimm mínútur held ég að við verðum allir að vera klárir þegar kallið kemur.“ EM 2016 í Frakklandi Tengdar fréttir Lars segir tónlistina í klefanum hræðilega Aron Einar Gunnarsson segir að hann komi ekki nálægt tónlistarvalinu. 2. september 2015 09:35 Hollensk áhrif í íslenska liðinu Eiður Smári Guðjohnsen, Aron Einar Gunnarsson, Kolbeinn Sigþórsson, Ari Freyr Skúlason og Jóhann Berg Guðmundsson stigu allir fyrstu skrefin í atvinnumennsku í Hollandi og Alfreð Finnbogason raðaði inn mörkum í hollensku deildinni. Hjálpar þetta íslenska liðinu á móti Hollendingum á morgun? 2. september 2015 06:00 Heimir og Lars búnir að velja byrjunarliðið Tilkynna leikmönnum liðið sem mætir Hollandi í stórleiknum í kvöld eða á morgun 2. september 2015 11:30 Hannes fær ókeypis þrif á húsinu standi Ísland sig gegn Hollandi Landsliðsmarkvörðurinn Hannes Þór Halldórsson segir Hollendinga reikna með auðveldum sigri á Íslandi. 2. september 2015 11:00 Mest lesið Booker um sparkið í stellið: „Partur af körfuboltanum en þetta var allt of mikið“ Körfubolti Dagný ánægð að vera mætt aftur til æfinga Enski boltinn „Þurfum á öllum að halda fyrir loka áhlaup í deildinni“ Fótbolti „Hlakka rosalega til að sjá troðfullt hús á mánudaginn“ Körfubolti Þjálfari Hákon Arnars: „Áttum skilið að fara áfram“ Fótbolti Ósáttur með dómara leiksins: „Eins og að spila gegn fjórtán mönnum“ Fótbolti Ramos rekinn úr húsi fyrir að sparka í klof Bookers Körfubolti Liverpool úr leik þrátt fyrir sigur á Ítalíu Fótbolti Uppgjör og viðtöl: Njarðvík - Þór Þ. 107-110 | Þórsarar sigri frá undanúrslitum Körfubolti Leverkusen neitar að tapa Fótbolti Fleiri fréttir Dagný ánægð að vera mætt aftur til æfinga Þjálfari Hákon Arnars: „Áttum skilið að fara áfram“ „Þurfum á öllum að halda fyrir loka áhlaup í deildinni“ Ósáttur með dómara leiksins: „Eins og að spila gegn fjórtán mönnum“ Rómverjar svífa um á bleiku skýi De Rossi Liverpool úr leik þrátt fyrir sigur á Ítalíu Leverkusen neitar að tapa Hákon Arnar lagði upp þegar Lille féll úr leik eftir vítaspyrnukeppni Markadrottningin mun ná þrettán árum hjá franska félaginu Hjartað var ekki vandamálið þegar Roma maðurinn hneig niður Slakt gengi City, Arsenal og Liverpool í Evrópu slæmar fréttir fyrir United Sjáðu ótrúlega vítakeppni gærkvöldsins: „Vá hvað þetta var skrýtið“ Neville orðlaus: „Var þetta gert opinbert á sínum tíma?“ Besta-spáin 2024: Svífa áfram á bleika skýinu Segir að Haaland hafi beðið um skiptingu Læknar sögðu Arnór heppinn að ekki skyldi hafa farið verr Besta-spáin 2024: Ekkert Murr Murr Klopp ætlar rifja upp frægu Barcelona ræðu sína í kvöld Skulda Ronaldo meira en milljarð og hafa kannski ekki efni á Alberti „Er eiginlega ennþá í sjokki“ Romário tekur fram skóna til að spila með syninum „Þetta er töfrum líkast“ „Ég get ekki fundið réttu orðin“ Real sló meistarana úr leik eftir vítakeppni Kimmich tryggði Bayern sæti í undanúrslitum Öruggt hjá Chelsea sem jafnaði City á toppnum Þrenna frá Maríu þegar Fortuna flaug í bikarúrslit Þróttarar kjósa um nýtt merki Forseti Frakklands setur pressu á Real Madrid Arteta segir að sigur á Bayern myndi breyta Arsenal Sjá meira
Eiður Smári Guðjohsnen var einbeittur á svip þegar hann hitti blaðamenn fyrir á hóteli landsliðsins í dag. Eiður er bæði reynslumesti leikmaður liðsins og sá markahæsti frá upphafi, skreyttur verðlaunum eftir langan feril í atvinnumennsku. Eiður og félagar voru rétt búnir að snæða eggjaköku og fínerí að lokinni æfingu á keppnisvellinum, Amsterdam Arena. Hann sötraði kaffibolla og ræddi í rólegheitum við blaðamenn. „Það er alltaf gott að fá að kynnast vellinum sem við spilum á,“ sagði Eiður við blaðamann Vísis. Þjálfararnir voru ekki að leggja mikla áherslu á taktík heldur voru menn meira að hlaupa og taka skotæfingar. Ástæðan, oftar en ekki leynast augu á svo stórum leikvöngum sem ekki væri sniðugt að leyfa að vita of mikið um áætlun íslenska liðsins. Eiður Smári spilar sem kunnugt er í Kína en átta tíma munur er á Kína og Íslandi. Hann sneri hins vegar til Íslands í síðustu viku og hélt þaðan til Hollands á mánudagsmorgun með fararstjórn og þjálfurum. „Það er mun auðveldara að venjast tímamismuninum þegar maður kemur aftur til Evrópu,“ segir Eiður sem átti nokkuð erfitt með svefn fyrstu dagana eftir að hann flutti til Kína fyrir um tveimur mánuðum. „Við áttum ekki leik um helgina þannig að við Kínverjarnir þrír (Eiður auk Sölva Geirs Ottesen og Viðars Arnar Kjartanssonar) vorum komnir viku fyrr. Það hefur sína kosti og galla.“Eiður Smári Guðjohnsen og Gylfi Þór Sigurðsson á æfingu í gær. Vísir/ValliÖðruvísi menning og umgjörð í Kína Eiður Smári spilaði 90 mínútur í síðasta leik sem hann segir hafa verið mikilvægt. Gott hafi verið að fá smá hvíld í kjölfarið. „Ég er eins vel undirbúinn og tilbúinn í leikinn og hægt er,“ segir framherjinn sem verður 37 ára eftir tæpar tvær vikur. „Ein af ástæðunum fyrir því að ég fór til Kína var að komast í rútínuna og það strax. Ég ætti að vera í fínu standi.“ Reynsluboltinn jánkar því að Kína sé allt öðruvísi en hann hafi áður kynnst. Eiður hefur spilað á Englandi, Spáni, Hollandi og Frakklandi auk Grikklands, Belgíu og Íslands. „Bæði menningin og umgjörðin er allt önnur. Kínverski fótboltinn er svolítið öðruvísi en sá evrópski. En það er æft stíft og vel, svo eru hörkuleikir líka,“ segir Eiður. Stærsti munurinn sé kannski sá að hraðinn í sumum leikjum er ekki sá sami og í Evrópu. „Það hefur kannski líka mikið með hitastigið að gera. Það er rosalega heitt og rakt yfir sumartímann. Það fer líka mikil orka í það.“Eiður Smári Guðjohnsen spilaði með Bolton á síðustu leiktíð en fékk ekki boð um áframhaldandi samning.Vísir/GettyFótbolti er sama tungumálið alls staðar Allra þjóða menn eru í kínverska liðinu Shijiazhuang Ever Bright F.C. þótt langflestir séu kínverskir. Þjálfarinn er búlgarskur en Eiður segir flest samskipti fara fram á ensku. „Fótbolti, er það ekki sama tungumálið alls staðar? Ef menn kunna að spila fótbolta þá skilja þeir hver annan.“ Samningur Eiðs Smára við kínverska liðið er til fjögurra mánaða þannig að það líður að lokum hans. Hann segist ekki hafa mikið spáð í framhaldinu. „Auðvitað fer maður að huga að því þegar tímabilið fer að verða búið hvað tekur við. Sérstaklega hvað landsliðið varðar. Ég ætla að vera í mínu besta standi í næstu leikjum og ef við förum í lokakeppnina ætla ég að gera allt til að halda sæti mínu í hópnum.“Eiður varð tvívegis enskur meistari með Chelsea.vísir/gettyVerðum að vera raunsæir - þetta verður erfitt Eiður Smári man tímana tvenna og hefur spilað á flestum glæsilegustu völlum Evrópu. Amsterdam Arena er svo sannarlega glæsilegur, fagnar 20 ára afmæli á næsta ári og tekur rúmlega 50 þúsund manns í sæti. Uppselt er á völlinn þar sem 3000 Íslendingar etja kappi við hollenska stuðningsmenn í stúkunni. Eiður á von á erfiðum leik annað kvöld. „Það er alveg sama á hvaða tímapunkti þú kemur og spilar við hollenska landsliðið á þeirra heimavelli. Auðvitað er gott að sjálfstraustið í liðinu er mikið og það er kannski eðlilegt miðað við úrslitin. En við verðum að vera raunsæir og við vitum að þetta verður mjög erfitt. Íslenska landsliðið tapaði 2-0 í síðustu heimsókn sinni til Hollands í undankeppni fyrir HM 2010. Þá var leikið í Feyenoord og var um enn eitt tapið að ræða í riðli þar sem Ísland hafnaði í botnsætinu með fimm stig. Nú eru breyttir tímar og allt annað en jafntefli eða sigur yrðu mikil vonbrigði fyrir okkar menn þótt vissulega standi undankeppnin hvorki né falli með úrslitunum. Ekki í tilfelli Íslands að minnsta kosti.Eiður Smári Guðjohnsen hefur skorað 25 mörk í 79 leikjum fyrir A-landslið Íslands.VísirTek því hlutverki sem mér er gefið „Hugsanahátturinn í kringum landsliðið hefur breyst mikið á undanförnum árum. Það kemur með sjálfu sér þegar leikmenn horfa með stærri augum á sjálfa sig og liðsfélagana, vita nákvæmlega hverju er hægt að ná þegar við spilum okkar besta leik. Við þurfum að eiga mjög góðan leik og vera mjög skipulagðir til að ná í úrslit. Við gætum jafnvel spilað frábæran leik og ekki fengið neitt en við pælum ekkert í því,“ segir Eiður og glottir. Eiður kom ekkert við sögu í 2-1 sigrinum á Tékklandi en fagnaði þó manna best í leikslok þegar úrslitin voru ljós. Víst er að Eiður Smári, eins og allir aðrir, verður svekktur þegar hann fær ekki að spila, en á hann von á því að byrja annað kvöld? „Eins og ég sagði fyrir Tékkaleikinn þá tek ég því hlutverki sem mér er gefið. Ég held að enginn innan hópsins komi til að spila ekki. Allir undirbúa sig á sama hátt - til að spila. Hvort sem það er í 90 mínútur eða fimm mínútur held ég að við verðum allir að vera klárir þegar kallið kemur.“
EM 2016 í Frakklandi Tengdar fréttir Lars segir tónlistina í klefanum hræðilega Aron Einar Gunnarsson segir að hann komi ekki nálægt tónlistarvalinu. 2. september 2015 09:35 Hollensk áhrif í íslenska liðinu Eiður Smári Guðjohnsen, Aron Einar Gunnarsson, Kolbeinn Sigþórsson, Ari Freyr Skúlason og Jóhann Berg Guðmundsson stigu allir fyrstu skrefin í atvinnumennsku í Hollandi og Alfreð Finnbogason raðaði inn mörkum í hollensku deildinni. Hjálpar þetta íslenska liðinu á móti Hollendingum á morgun? 2. september 2015 06:00 Heimir og Lars búnir að velja byrjunarliðið Tilkynna leikmönnum liðið sem mætir Hollandi í stórleiknum í kvöld eða á morgun 2. september 2015 11:30 Hannes fær ókeypis þrif á húsinu standi Ísland sig gegn Hollandi Landsliðsmarkvörðurinn Hannes Þór Halldórsson segir Hollendinga reikna með auðveldum sigri á Íslandi. 2. september 2015 11:00 Mest lesið Booker um sparkið í stellið: „Partur af körfuboltanum en þetta var allt of mikið“ Körfubolti Dagný ánægð að vera mætt aftur til æfinga Enski boltinn „Þurfum á öllum að halda fyrir loka áhlaup í deildinni“ Fótbolti „Hlakka rosalega til að sjá troðfullt hús á mánudaginn“ Körfubolti Þjálfari Hákon Arnars: „Áttum skilið að fara áfram“ Fótbolti Ósáttur með dómara leiksins: „Eins og að spila gegn fjórtán mönnum“ Fótbolti Ramos rekinn úr húsi fyrir að sparka í klof Bookers Körfubolti Liverpool úr leik þrátt fyrir sigur á Ítalíu Fótbolti Uppgjör og viðtöl: Njarðvík - Þór Þ. 107-110 | Þórsarar sigri frá undanúrslitum Körfubolti Leverkusen neitar að tapa Fótbolti Fleiri fréttir Dagný ánægð að vera mætt aftur til æfinga Þjálfari Hákon Arnars: „Áttum skilið að fara áfram“ „Þurfum á öllum að halda fyrir loka áhlaup í deildinni“ Ósáttur með dómara leiksins: „Eins og að spila gegn fjórtán mönnum“ Rómverjar svífa um á bleiku skýi De Rossi Liverpool úr leik þrátt fyrir sigur á Ítalíu Leverkusen neitar að tapa Hákon Arnar lagði upp þegar Lille féll úr leik eftir vítaspyrnukeppni Markadrottningin mun ná þrettán árum hjá franska félaginu Hjartað var ekki vandamálið þegar Roma maðurinn hneig niður Slakt gengi City, Arsenal og Liverpool í Evrópu slæmar fréttir fyrir United Sjáðu ótrúlega vítakeppni gærkvöldsins: „Vá hvað þetta var skrýtið“ Neville orðlaus: „Var þetta gert opinbert á sínum tíma?“ Besta-spáin 2024: Svífa áfram á bleika skýinu Segir að Haaland hafi beðið um skiptingu Læknar sögðu Arnór heppinn að ekki skyldi hafa farið verr Besta-spáin 2024: Ekkert Murr Murr Klopp ætlar rifja upp frægu Barcelona ræðu sína í kvöld Skulda Ronaldo meira en milljarð og hafa kannski ekki efni á Alberti „Er eiginlega ennþá í sjokki“ Romário tekur fram skóna til að spila með syninum „Þetta er töfrum líkast“ „Ég get ekki fundið réttu orðin“ Real sló meistarana úr leik eftir vítakeppni Kimmich tryggði Bayern sæti í undanúrslitum Öruggt hjá Chelsea sem jafnaði City á toppnum Þrenna frá Maríu þegar Fortuna flaug í bikarúrslit Þróttarar kjósa um nýtt merki Forseti Frakklands setur pressu á Real Madrid Arteta segir að sigur á Bayern myndi breyta Arsenal Sjá meira
Lars segir tónlistina í klefanum hræðilega Aron Einar Gunnarsson segir að hann komi ekki nálægt tónlistarvalinu. 2. september 2015 09:35
Hollensk áhrif í íslenska liðinu Eiður Smári Guðjohnsen, Aron Einar Gunnarsson, Kolbeinn Sigþórsson, Ari Freyr Skúlason og Jóhann Berg Guðmundsson stigu allir fyrstu skrefin í atvinnumennsku í Hollandi og Alfreð Finnbogason raðaði inn mörkum í hollensku deildinni. Hjálpar þetta íslenska liðinu á móti Hollendingum á morgun? 2. september 2015 06:00
Heimir og Lars búnir að velja byrjunarliðið Tilkynna leikmönnum liðið sem mætir Hollandi í stórleiknum í kvöld eða á morgun 2. september 2015 11:30
Hannes fær ókeypis þrif á húsinu standi Ísland sig gegn Hollandi Landsliðsmarkvörðurinn Hannes Þór Halldórsson segir Hollendinga reikna með auðveldum sigri á Íslandi. 2. september 2015 11:00