Innlent

Dræm kjörsókn í morgunsárið á Akureyri

Kolbeinn Tumi Daðason skrifar
Frá Akureyri á tíunda tímanum í morgun.
Frá Akureyri á tíunda tímanum í morgun. Vísir/Sveinn
Kjörsókn hefur verið dræm á Akureyri það sem af er degi. Klukkan tíu höfðu 2% þeirra sem eru á kjörskrá þar kosið. Á sama tíma fyrir Alþingiskosningarnar 2013 höfðu 4% kosið.

Það snjóaði á Akureyri í morgun eins og sjá má á myndinni að ofan en hiti er rétt ofan við frostmark.

Um helmingur kjósenda í Norðausturkjördæmi kjósa á Akureyri. 13941 er á kjörskrá á Akureyri sem er tæplega helmingur allra á kjörskrá í Norðausturkjördæmi þar sem 27.298 eru á kjörskrá.

Á sama tíma í Reykjavík var kjörsóknin sömuleiðis minni en árið 2013 eða um helmingur miðað við árið 2013.

Kosningavakt Vísis fylgist grannt með gangi mála alla helgina. Vaktina má finna hér.




Fleiri fréttir

Sjá meira


×