Dómur um Flekklaus: Þessi bévítans fortíð Dómur skrifar 23. apríl 2015 12:00 Kápa bókarinnar Flekklaus. Bækur HHHHH Flekklaus Sólveig Pálsdóttir JPV-útgáfa Flekklaus er þriðja bók Sólveigar Pálsdóttur um lögguteymið Guðgeir, Særós og Andrés, sem við þekkjum úr bókunum Leikarinn og Hinir réttlátu. Hér er Guðgeir í aðalhlutverki, nýkominn úr strangri krabbameinsmeðferð og í upphafi sögu í hvíldarfríi í Smálöndum Svíþjóðar. Það frí snýst þó upp í andhverfu sína þegar hann er dreginn inn í óleyst sakamál frá 1985, mál sem stendur honum mun nær en lesandann getur grunað lengi framan af. Er óhætt að segja að öll tilvera lögreglumannsins geðþekka snúist á hvolf með ævintýralegum vendingum sem kannski eru ekki sérlega trúverðugar en ná þeim tilgangi sínum að halda lesandanum við efnið og fá hann til að halda áfram að fletta. Sagan er haganlega smíðuð, glæpamálið úr fortíðinni fléttast vel inn í frásögnina úr nútíðinni og hvörfin í seinni hlutanum koma gjörsamlega á óvart. Lesandinn kynnist Guðgeiri nánar en í fyrri bókum, enda fer meirihluti sögunnar fram á hans heimavelli og inn í hana dragast eiginkona hans og börn. Það er því snjallt bragð hjá höfundinum að gera hann tortryggilegan og fá lesandann til að efast um heilindi hans. Það er nú einu sinni einn kröftugasti drifkraftur glæpasagna að lesandinn „standi með“ aðallöggunni og láti sig örlög hans eða hennar varða. Upp á það skortir ekkert hér. Stærsti veikleiki sögunnar felst hins vegar í hinni aðalpersónunni, Kirsten hinni sænsku, sem getur seint talist sannfærandi persóna. Til þess er hún of einhliða og hvatinn að framkomu hennar við Guðgeir er því miður ekki sérlega sannfærandi, sem dregur töluvert úr spennunni. Það er alltaf slæmt þegar lesandinn stendur sig að því að fnæsa háðslega yfir því hversu ótrúverðug frásögnin er. Flekklaus tekur þó á ýmsum málum sem full ástæða er til að draga fram; hinum íslenska klíkuskap sem getur jafnvel forðað glæpamönnum frá refsingu, átökum eiginmanns við sjálfan sig eftir að hafa freistast til framhjáhalds, þeirri stefnu fjölmiðla að taka æruna af fólki í beinni útsendingu og fleira mætti nefna. Allt hið besta mál og sýnir að Sólveigu liggur ýmislegt á hjarta sem full ástæða er til að fylgjast með. Af niðurlagi þessarar sögu er ljóst að hún hefur hvergi nærri lokið sér af með sögu Guðgeirs og það verður spennandi að sjá á hvaða slóðir hún leiðir hann næst. Það er vaxandi trend í norrænum glæpasögum að gera glæpinn sjálfan nánast að aukaatriði en beina kastljósinu þess í stað að afleiðingum hans á þá sem á einhvern hátt tengjast honum. Flekklaus sver sig svikalaust í þá ættina og gerir það ágætlega, þótt eflaust megi um það deila hvort afleiðingarnar sem þar er lýst séu sannferðugar eður ei. Hver var annars að halda því fram að krimmar ættu að vera trúverðugir? Friðrika Benónýsdóttir Niðurstaða: Flekklaus er ekki flekklaus glæpasaga en innsýn í líf og forsögu löggunnar Guðgeirs gerir hana áhugaverða og heldur lesandanum við efnið. Mest lesið Japaninn sló heimsmet í Hlíðarfjalli Lífið Ekki lengur smeykur við að deila kastljósinu með Katrínu Lífið Björgólfur og Skúli í stuði í Feneyjum Lífið Lekker hæð listakonu til sölu Lífið Jón Jónsson selur glæsihús á Seltjarnarnesi Lífið Frumsýning á Vísi: Fyrsta stiklan úr Snertingu Bíó og sjónvarp Suzuki mun flytja inn í höll Björgólfs Lífið „Stundum finnst mér ég getað sigrað heiminn“ Lífið Seldi upp á útgáfutónleika án útgáfu Tónlist Svakalegasta atvinnuumsókn sem sést hefur á FM957 Lífið Fleiri fréttir Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Heimafæðing Örnu Ýrar: „Ekki eins hræðilegt og margir halda“ Suzuki mun flytja inn í höll Björgólfs Stefnir Megan Thee Stallion fyrir meint áreiti á vinnustað Flugfreyjuhattar Icelandair frá tískurisanum Balenciaga fá nýtt líf Ekki lengur smeykur við að deila kastljósinu með Katrínu Jón Jónsson selur glæsihús á Seltjarnarnesi Kynferðislegt ofbeldi: Kynlíf eftir áföll Karlakórinn Esja tók frægasta slagara Backstreet Boys Flott flutti ódauðlega slagara með Sálinni og Ásgeiri Trausta Myndaveisla: Pattra og Gugusar hressastar í drykkjarpartýi Steggjun endaði á árshátíð RÚV Allt klárt fyrir tilraun við heimsmet í Hlíðarfjalli Hvað ber að hafa í huga þegar hvolpur kemur á heimilið Lagið Yfirgefinn varð til þegar Valdimar öskraði á hljómsveitarmeðlimi Félag Rikka Daða selur einbýli sem áður var í eigu Rikka Daða Öskur á tónleikum Laufeyjar öfugt ofan í aðdáendur „Óraunverulegustu fréttir sem við getum fært“ Vaknaði í angist alla morgna Stjörnulífið: „Þá er maður bara að sigla inní 17. mánuðinn á þessari meðgöngu“ Ragga Gísla útskýrir gjörninginn Fred Armisen kemur til Íslands Stjörnum hlaðið partý: Viktoría Beckham á hækjum í fimmtugsafmælinu Myndaveisla: Athafnakonur fögnuðu 25 ára afmæli á Edition „Ætla að verða 130 ára þannig að það er nægur tími til stefnu“ Sjá meira
Bækur HHHHH Flekklaus Sólveig Pálsdóttir JPV-útgáfa Flekklaus er þriðja bók Sólveigar Pálsdóttur um lögguteymið Guðgeir, Særós og Andrés, sem við þekkjum úr bókunum Leikarinn og Hinir réttlátu. Hér er Guðgeir í aðalhlutverki, nýkominn úr strangri krabbameinsmeðferð og í upphafi sögu í hvíldarfríi í Smálöndum Svíþjóðar. Það frí snýst þó upp í andhverfu sína þegar hann er dreginn inn í óleyst sakamál frá 1985, mál sem stendur honum mun nær en lesandann getur grunað lengi framan af. Er óhætt að segja að öll tilvera lögreglumannsins geðþekka snúist á hvolf með ævintýralegum vendingum sem kannski eru ekki sérlega trúverðugar en ná þeim tilgangi sínum að halda lesandanum við efnið og fá hann til að halda áfram að fletta. Sagan er haganlega smíðuð, glæpamálið úr fortíðinni fléttast vel inn í frásögnina úr nútíðinni og hvörfin í seinni hlutanum koma gjörsamlega á óvart. Lesandinn kynnist Guðgeiri nánar en í fyrri bókum, enda fer meirihluti sögunnar fram á hans heimavelli og inn í hana dragast eiginkona hans og börn. Það er því snjallt bragð hjá höfundinum að gera hann tortryggilegan og fá lesandann til að efast um heilindi hans. Það er nú einu sinni einn kröftugasti drifkraftur glæpasagna að lesandinn „standi með“ aðallöggunni og láti sig örlög hans eða hennar varða. Upp á það skortir ekkert hér. Stærsti veikleiki sögunnar felst hins vegar í hinni aðalpersónunni, Kirsten hinni sænsku, sem getur seint talist sannfærandi persóna. Til þess er hún of einhliða og hvatinn að framkomu hennar við Guðgeir er því miður ekki sérlega sannfærandi, sem dregur töluvert úr spennunni. Það er alltaf slæmt þegar lesandinn stendur sig að því að fnæsa háðslega yfir því hversu ótrúverðug frásögnin er. Flekklaus tekur þó á ýmsum málum sem full ástæða er til að draga fram; hinum íslenska klíkuskap sem getur jafnvel forðað glæpamönnum frá refsingu, átökum eiginmanns við sjálfan sig eftir að hafa freistast til framhjáhalds, þeirri stefnu fjölmiðla að taka æruna af fólki í beinni útsendingu og fleira mætti nefna. Allt hið besta mál og sýnir að Sólveigu liggur ýmislegt á hjarta sem full ástæða er til að fylgjast með. Af niðurlagi þessarar sögu er ljóst að hún hefur hvergi nærri lokið sér af með sögu Guðgeirs og það verður spennandi að sjá á hvaða slóðir hún leiðir hann næst. Það er vaxandi trend í norrænum glæpasögum að gera glæpinn sjálfan nánast að aukaatriði en beina kastljósinu þess í stað að afleiðingum hans á þá sem á einhvern hátt tengjast honum. Flekklaus sver sig svikalaust í þá ættina og gerir það ágætlega, þótt eflaust megi um það deila hvort afleiðingarnar sem þar er lýst séu sannferðugar eður ei. Hver var annars að halda því fram að krimmar ættu að vera trúverðugir? Friðrika Benónýsdóttir Niðurstaða: Flekklaus er ekki flekklaus glæpasaga en innsýn í líf og forsögu löggunnar Guðgeirs gerir hana áhugaverða og heldur lesandanum við efnið.
Mest lesið Japaninn sló heimsmet í Hlíðarfjalli Lífið Ekki lengur smeykur við að deila kastljósinu með Katrínu Lífið Björgólfur og Skúli í stuði í Feneyjum Lífið Lekker hæð listakonu til sölu Lífið Jón Jónsson selur glæsihús á Seltjarnarnesi Lífið Frumsýning á Vísi: Fyrsta stiklan úr Snertingu Bíó og sjónvarp Suzuki mun flytja inn í höll Björgólfs Lífið „Stundum finnst mér ég getað sigrað heiminn“ Lífið Seldi upp á útgáfutónleika án útgáfu Tónlist Svakalegasta atvinnuumsókn sem sést hefur á FM957 Lífið Fleiri fréttir Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Heimafæðing Örnu Ýrar: „Ekki eins hræðilegt og margir halda“ Suzuki mun flytja inn í höll Björgólfs Stefnir Megan Thee Stallion fyrir meint áreiti á vinnustað Flugfreyjuhattar Icelandair frá tískurisanum Balenciaga fá nýtt líf Ekki lengur smeykur við að deila kastljósinu með Katrínu Jón Jónsson selur glæsihús á Seltjarnarnesi Kynferðislegt ofbeldi: Kynlíf eftir áföll Karlakórinn Esja tók frægasta slagara Backstreet Boys Flott flutti ódauðlega slagara með Sálinni og Ásgeiri Trausta Myndaveisla: Pattra og Gugusar hressastar í drykkjarpartýi Steggjun endaði á árshátíð RÚV Allt klárt fyrir tilraun við heimsmet í Hlíðarfjalli Hvað ber að hafa í huga þegar hvolpur kemur á heimilið Lagið Yfirgefinn varð til þegar Valdimar öskraði á hljómsveitarmeðlimi Félag Rikka Daða selur einbýli sem áður var í eigu Rikka Daða Öskur á tónleikum Laufeyjar öfugt ofan í aðdáendur „Óraunverulegustu fréttir sem við getum fært“ Vaknaði í angist alla morgna Stjörnulífið: „Þá er maður bara að sigla inní 17. mánuðinn á þessari meðgöngu“ Ragga Gísla útskýrir gjörninginn Fred Armisen kemur til Íslands Stjörnum hlaðið partý: Viktoría Beckham á hækjum í fimmtugsafmælinu Myndaveisla: Athafnakonur fögnuðu 25 ára afmæli á Edition „Ætla að verða 130 ára þannig að það er nægur tími til stefnu“ Sjá meira