Disney seldi Miramax fyrir 79 milljarða

Walt Disney hefur selt Miramax kvikmyndaverið fyrir 660 milljónir dala, eða sem nemur 79 milljörðum íslenskra króna. Eftir því sem fram kemur á vef Daily Telegraph hefur salan átt sér töluvert langan aðdraganda enda ljóst að um áhrifamikið fyrirtæki á sviði kvikmyndaframleiðslu er að ræða.

Á meðal frægustu mynda sem Miramax kvikmyndaverið hefur framleitt er Pulp Fiction, The Crying Game og Shakespeare in Love.