Dietmar Hamann orðinn spilandi þjálfari hjá Milton Keynes Dons

Þjóðverjinn Dietmar Hamann, fyrrum leikmaður Liverpool og Manchester City, hefur ákveðið að taka skónna fram að nýju og gerast spilandi þjálfari hjá Milton Keynes Dons í ensku C-deildinni.

Hamann hefur ekkert spilað síðan að hann hætti hjá Manchester City í lok 2008-2009 tímabilsins en hann er nú orðinn 36 ára gamall. Hamann lék með Þjóðverjum í úrslitaleik HM 2002 og vann Meistaradeildina með Liverpool 2005.

Hamann tekur við af Paul Ince sem hætti með liðið eftir að það endaði í 12. sæti í ensku C-deildinni á þessu tímabili.