Danir hafa sloppiđ viđ flensufaraldur í vetur
Venjulega byrjar flensan að herja á Dani í október og þeir þurfa að berjast við hana alveg fram í marsmánuð. Þennan vetur bólar hinsvegar hvergi á hinum hefðbundna flensufaraldri. Og það þrátt fyrir óvenjumikla kulda frá áramótum. Frostið hefur farið niður fyrir 20 gráður víða í Danmörku á síðustu dögum og vikum.
Hugsanleg skýring á minni flensu meðal Dana er að sívaxandi fjöldi fyrirtækja í landinu býður starfsfólki sínu upp á bólusetningu gegn þessari pest.
Í frétt um málið í Jyllands Posten er haft eftir Tyru Grove Krause yfirlækni hjá Statens Serum Institut eða sóttvarnastofnun Danmerkur að óvenjulítið sé um tilkynningar um flensu þennan veturinn.
Hinsvegar séu fregnir um að flensutilfellum fari hratt fjölgandi í Evrópu og þar á meðal í nágrannalöndunum Svíþjóð og Noregi. Því telur Krause það ekki óraunhæft að flensan fari að herja á ný á Dani eins og venjan er á þessum árstíma.
- Fréttir
- Sport
- Viđskipti
- Lífiđ
Fréttir eftir mánuđi
Hér má finna fréttir eftir mánuđi.
- Sími 512 5000
- Hafđu samband
- Starfsfólk
- Umferđ
- Veftré
- Auglýsingar
- 365 Skaftahlíđ 24 105 Reykjavík Sími: 512 5000