Fótbolti

Dagný hetja kvöldsins hjá Portland Thorns

Óskar Ófeigur Jónsson skrifar
Dagný Brynjarsdóttir fagnar marki með íslenska landsliðinu á dögunum.
Dagný Brynjarsdóttir fagnar marki með íslenska landsliðinu á dögunum. Mynd/KSÍ/Hilmar Þór
Dagný Brynjarsdóttir var hetja Portland Thorns í kvöld þegar hún tryggði liði sínu öll stigin á útivelli á móti Boston Breakers í bandarísku deildinni.

Dagný skoraði eina mark leiksins með skalla á 79. mínútu leiksins en hún var þá sterkust í loftinu eftir aukaspyrnu frá Tobin Heath.

Portland Thorns hefur nú unnið tvo af fyrstu þremur leikjum sínum á tímabilinu og Dagný hefur skorað í báðum sigurleikjum liðsins.

Dagný skoraði einnig í 2-1 sigri á Orlando Pride 17. apríl síðastliðin en í millitíðinni skoraði hún síðan fyrir íslenska landsliðið í sigri á Hvíta-Rússlandi.

Dagný Brynjarsdóttir er markahæsti leikmaður Portland Thorns ásamt en þær hafa báðar skorað tvö mörk í fyrstu þremur umferðunum. Tobin Heath hefur hinsvegar lagt upp öll fjögur mörk liðsins.

Dagný Brynjarsdóttir er á sínu fyrsta tímabili með  Portland Thorns en hún lék síðasta sumar með Selfossi í Pepsi-deildinni og var þar á undan þýskur meistari með Bayern München og bandarískur háskólameistari með Florida State University.




Fleiri fréttir

Sjá meira


×