LAUGARDAGUR 28. MAÍ NÝJAST 00:00

Telja sig hafa fellt leiđtoga ISIS í Falluja

FRÉTTIR

Curry fór illa međ James

 
Körfubolti
09:00 19. JANÚAR 2016
Curry var magnađur í leiknum í nótt.
Curry var magnađur í leiknum í nótt. VÍSIR/GETTY

NBA-meistararnir í Golden State Warriors unnu stórsigur á Cleveland Cavaliers í nótt, 132-98, en þetta eru sömu lið og áttust við í lokaúrslitunum um titilinn í vor.

Hinn magnaði Steph Curry var stjarna leiksins með 35 stig í þeim þremur leikhlutum sem hann lék. Andre Iguodala kom næstur með 20 stig en leikurinn fór fram í Cleveland, þar sem Golden State tryggði sér titilinn.

Leikurinn var aldrei spennandi. Golden State náði 30 stiga forystu strax í fyrri hálfleik og náði þar með að svara fyrir afar óvænt tap gegn Detroit um helgina.

Cleveland náði aðeins að laga stöðuna undir lok leiksins en það stefndi í stærsta tap félagsins á heimavelli frá upphafi. Forysta Golden State var komin í 40 stig í í þriðja leikhluta.

LeBron James skoraði sextán stig fyrir Cleveland.

LA Clippes vann Houston, 140-132, í framlengdum leik í Los Angeles. JJ Redick skoraði 40 stig í leiknum sem er persónulegt met en Clippers setti niður 22 þrista í leiknum sem er félagsmet.

Redick setti niður fyrstu fimm þriggja stiga skotin sín í leiknum og skoraði alls níu þriggja stiga körfur í tólf tilraunum. Chris Paul var með 28 stig og tólf stoðsendingar. Dwight Howard var með 36 stig og 26 fráköst sem er met hjá honum.

New Orleans Hornets vann Utah Jazz, 124-119, í tvíframlengdum leik. Þar skoraði Kemba Walker 52 stig sem er félagsmet hjá New Orleans. Hann nýtti sextán af 34 skotum sínum úr opnum leik og fjórtán af fimmtán vítaskotum sínum.

New York vann Philadelphia, 119-113, einnig í tvíframlengdum leik. Carmelo Anthony sneri til baka eftir að hafa misst af tveimur leikjum í röð og tryggði liði sínu framlengingu í lok fjórða leikhluta með þriggja stiga körfu þegar lítið var eftir af leiknum. Hann var með nítján stig í leiknum.

Úrslit næturinnar:
New York - Philadelphia 119-113
Charlotte - Utah 124-119
Washington - Portland 98-108
Memphis - New Orleans 101-99
Detroit - Chicago 101-111
Atlanta - Orlando 98-81
Toronto - Brooklyn 112-110
Golden State - Cleveland 132-98
Dallas - Boston 118-113
LA Clippers - Houston 140-132




Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Körfubolti / Curry fór illa međ James
Fara efst