Glamour

Cover Girl kynnir karlkyns talsmann í fyrsta sinn

Ritstjórn skrifar
Charles James ásamt núverandi talskonu Cover Girl, Katy Perry.
Charles James ásamt núverandi talskonu Cover Girl, Katy Perry. Mynd/ Skjáskot Cover Girl
Youtube bloggarinn og Instagram stjarnan Charles James hefur verið ráðinn sem nýjasta viðbótin við Cover Girl. Hann slæst í hóp með Katy Perry, Ellen Degeneres, Sofia Vergara og fleiri stjörnum.

Charles er aðeins 17 ára gamall en þrátt fyrir ungan aldur hefur hann safnað að sér hálfri milljón fylgjenda á Instagram og 70.000 fylgjenda á Youtube. Þetta er í fyrsta sinn sem að strákur hefur verið skipaður í þetta hlutverk hjá fyrirtækinu. 

Sífellt fleiri strákar eru byrjaðir að farða sig, hvort sem það er til gamans eða til þess að ganga með það dagsdaglega. Það þykir ekki lengur feimnismál eins og það gerði fyrir fáeinum árum. Þetta verður því að teljast þróun í rétta átt og á ráðningin eflaust eftir að vekja mikla lukku hjá aðdáendum Cover Girl.

Charles James mun eflaust slá í gegn hjá aðdáendum merkisins.





×