Enski boltinn

Courtois hugsanlega á förum frá Chelsea

Ingvi Þór Sæmundsson skrifar
Courtois og Lollichon eru litlir vinir.
Courtois og Lollichon eru litlir vinir. vísir/getty
Belgíski landsliðsmarkvörðurinn Thibaut Courtois gæti verið á förum frá Chelsea.

Samkvæmt heimildum Daily Mail er grunnt á því góða milli Courtois og markvarðaþjálfara Chelsea, Christophe Lollichon.

Lollichon þessi hefur starfað hjá Chelsea frá 2007 en hann kom til Lundúnaliðsins frá Rennes í Frakklandi. Talið er að Lollichon verði áfram hjá Chelsea þrátt fyrir komu Antonios Conte í sumar.

Lollichon mun hafa átt gott samstarf við Petr Cech, bæði hjá Rennes og Chelsea, en samband hans og Courtois er ekki jafn gott og svo gæti farið að Belginn yfirgæfi herbúðir Chelsea.

Courtois hefur m.a. verið orðaður vð Paris Saint-Germain og Madrídarliðin Real og Atlético.




Fleiri fréttir

Sjá meira


×