Corden getur ekki æft í líkamsræktarstöð Kanye West

James Corden var með heldur skemmtilegt atriði í þætti sínum á dögunum en þar kom líkamsræktarstöð rapparans Kanye West við sögu.

Corden heldur úti spjallþættinum The Late Late Show og er þátturinn gríðarlega vinsæll um heim allan.

Kanye frumsýndi nýtt tónlistarmyndband við lagið Fada á VMA-hátíðinni á sunnudagskvöldið. Corden ákvað að gera sér mat úr myndbandinu og virðist Bretinn ekki vera sáttur með að æfa í líkamsræktarstöð Kanye West eins og sjá má hér að neðan.