City rúllaði yfir botnliðið

 
Enski boltinn
17:00 05. MARS 2016
Agüero fagnar á Etihad í dag.
Agüero fagnar á Etihad í dag. VÍSIR/GETTY
Ingvi Þór Sæmundsson skrifar

Manchester City átti ekki í miklum vandræðum með að leggja botnlið Aston Villa að velli á heimavelli sínum í dag. Lokatölur 4-0, City í vil.

Staðan var reyndar markalaus í hálfleik en City-menn fóru mikinn í upphafi seinni hálfleiks og skoruðu fjögur mörk á 18 mínútna kafla.

Sergio Agüero skoraði tvö mörk og fékk svo gullið tækifæri til að ná þrennunni en skaut í stöng úr vítaspyrnu. Yaya Touré og Raheem Sterling voru einnig á skotskónum í dag.

City er enn í 4. sæti ensku úrvalsdeildarinnar, nú með 50 stig, sjö stigum á eftir toppliði Leicester City sem mætir Watford í síðdegisleiknum.

Aston Villa er svo gott sem fallið en liðið er í botnsætinu með aðeins 16 stig, níu stigum frá öruggu sæti. Villa hefur tapað síðustu fjórum leikjum sínum með markatölunni 2-15.



  • Bein lýsing
  • Liðin
  • Tölfræði



Deila
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

 

MEST LESIÐ

  • Nýjast á Vísi
  • Mest Lesið
  • Fréttir
  • Sport
  • Viðskipti
  • Lífið
Forsíða / Sport / Fótbolti / Enski boltinn / City rúllaði yfir botnliðið
Fara efst