Chuck Berry fallinn frá: Ótrúlegt lífshlaup brautryðjanda rokksins Nína Hjördís Þorkelsdóttir skrifar 19. mars 2017 11:15 Berry kom fram á tónleikum langt fram eftir aldri. vísir/getty Tónlistarmaðurinn Chuck Berry er fallinn frá en hann lést á heimili sínu í Missouri í gær, níræður að aldri. Berry er minnst sem frumkvöðuls í tónlist: Hann beindi swing- og blústónlist í farveg rokktónlistarinnar og lagði þannig grunninn að tónlistarstefnu sem varð ríkjandi í unglingamenningu sjötta og sjöunda áratugarins. Chuck Berry fæddist inn í millistéttarfjölskyldu í St. Louis í Missouri-fylki árið 1926. Hann byrjaði að spreyta sig í tónlist á menntaskólaárunum, grúskaði við gítarleik og steig á stokk þegar lá vel á honum og þá helst í góðra vina hópi. Berry sneri sér alfarið að tónlist árið 1950, þá 24 ára að aldri. Hann gerðist meðlimur í Sir John's tríóinu þar sem hann lék með trommaranum Ebby Harding og hljómborðsleikaranum Johnnie Johnson. Sveitin kom helst fram á klúbbum í St. Louis. Berry hafði strax áhrif innan tríósins og kynnti fyrir hljómsveitarfélögum sínum nýja strauma í tónlist. Á Þessum tíma stúderaði Berry stíl gítarleikarans T-Bone Walker. Í kjölfarið þróaði hann hið svokallaða Chuck Berry-lick, spilastíl sem varð skilgreinandi fyrir snemmrokkið. Berry hafði einstakt lag á að blanda saman ólíkum stílum. Hann varð fyrir áhrifum frá ýmsum tónlistarstefnum á uppvaxtarárum sínum í St. Louis en á æskuslóðum hans ægði saman gospeli, blús, ryþmablús og kántrý-tónlist. Gítarleikur Berrys var á köflum kántrý-skotinn en tónlistarstefnan var afar vinsæl á þessum slóðum. Tónlist Berrys, sjarmi og sviðsframkoma gerðu það að verkum að aðdáendahópurinn stækkaði ört. Duck-walk Berrys.vísir/gettyKaflaskil urðu í lífi Berrys árið 1955 þegar lagði hann leið sína til Chicago til þess að hitta blúsgoðsögnina Muddy Waters. Waters kom Berry að hjá útgáfufyrirtækinu Chess Records og í kjölfarið hljóðritaði Berry mörg af sínum þekktustu lögum, til að mynda Maybelline, Rock and Roll Music og Johnny B. Goode. Vinsældir Berrys risu á þessum tíma og áhrif hans á unglingamenningu samtíma síns voru óumdeilanleg. Berry ruddi ekki aðeins brautina fyrir aðra rokktónlistarmenn heldur hreif hann áheyrendur með ótrúlegri sviðsframkomu, hinu einkennandi duck walk. Berry var skrautlegur karakter og hafði tilhneigingu til þess að koma sér í ýmiss konar klandur. Hann komst í fyrsta skipti í kast við lögin á unglingsaldri. Hann var handtekinn fyrir ránstilraun og sat í þrjú ár í betrunarvist. Árið 1959 var Berry handtekinn í St. Louis og í kjölfarið ákærður fyrir að hafa flutt fjórtán ára stúlku yfir ríkismörk í „ósiðlegum tilgangi“. Hann sat inni í tuttugu mánuði fyrir brotið. Berry komst aftur í kast við lögin 1979 en hann þurfti að dúsa 120 daga í fangelsi vegna skattalagabrota. Aftur lenti Berry í klandri árið 1990 en þá fundust í fórum hans talsvert magn af maríjúana auk myndskeiða af konum á kvennaklósetti veitingastaðar sem var í eigu Berry. Var talið að hann hefði sjálfur komið myndavélunum fyrir.Chuck Berry ásamt Keith Richards, gítarleikara The Rolling Stones.vísir/gettyBerry flutti sig til útgáfufyrirtækisins Mercury Records árið 1966 og tók ferill hans þá að hnigna. Hann reyndi að endurgera lög sín með því að ljá þeim hippalegan blæ, í samræmi við strauma og stefnur samtímans, en tilraunir hans báru lítinn árangur. Hann fór aftur yfir til Chess Records þar sem hann hljóðritaði ný lög sem náðu þó ekki inn á vinsældalista. Berry vann aldrei til Grammy-verðlauna á ferli sínum en fékk verðlaun fyrir ævistarf sitt árið 1984. Hann var einnig með fyrstu tónlistarmönnunum til þess að fá inngöngu í Rock and Roll Hall of Fame, árið 1986. Tónlistarmaðurinn hélt áfram að koma fram langt fram eftir aldri, hann flutti meðal annars sína helstu slagara á tónleikum í Cleveland árið 2012, þá 85 ára gamall. Á níræðisafmæli sínu lýsti hann því yfir að hann hyggðist gefa út nýja plötu, sem bæri nafnið „Chuck“. Þekkt nöfn úr tónlistarheiminum hafa vottað Chuck Berry virðingu sína á samskiptamiðlum í dag. „Hann tendraði upp unglingsár okkar og blés lífi í drauma okkar um að verða tónlistarmenn,“ tísti Mick Jagger í gærkvöldi. „Hvíl í friði Chuck Berry, skapari hins stórkostlega hljóms rokksins. Allir rokkarar hafa nú misst föður sinn,“ sagði Alice Cooper jafnframt á Twitter. Mest lesið Ekki lengur smeykur við að deila kastljósinu með Katrínu Lífið Jón Jónsson selur glæsihús á Seltjarnarnesi Lífið Suzuki mun flytja inn í höll Björgólfs Lífið Seldi upp á útgáfutónleika án útgáfu Tónlist Vöknuðu fyrir allar aldir til að gera aðra atlögu Lífið Heimafæðing Örnu Ýrar: „Ekki eins hræðilegt og margir halda“ Lífið Björgólfur og Skúli í stuði í Feneyjum Lífið Flugfreyjuhattar Icelandair frá tískurisanum Balenciaga fá nýtt líf Lífið Stefnir Megan Thee Stallion fyrir meint áreiti á vinnustað Lífið Svakalegasta atvinnuumsókn sem sést hefur á FM957 Lífið Fleiri fréttir Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Sjá meira
Tónlistarmaðurinn Chuck Berry er fallinn frá en hann lést á heimili sínu í Missouri í gær, níræður að aldri. Berry er minnst sem frumkvöðuls í tónlist: Hann beindi swing- og blústónlist í farveg rokktónlistarinnar og lagði þannig grunninn að tónlistarstefnu sem varð ríkjandi í unglingamenningu sjötta og sjöunda áratugarins. Chuck Berry fæddist inn í millistéttarfjölskyldu í St. Louis í Missouri-fylki árið 1926. Hann byrjaði að spreyta sig í tónlist á menntaskólaárunum, grúskaði við gítarleik og steig á stokk þegar lá vel á honum og þá helst í góðra vina hópi. Berry sneri sér alfarið að tónlist árið 1950, þá 24 ára að aldri. Hann gerðist meðlimur í Sir John's tríóinu þar sem hann lék með trommaranum Ebby Harding og hljómborðsleikaranum Johnnie Johnson. Sveitin kom helst fram á klúbbum í St. Louis. Berry hafði strax áhrif innan tríósins og kynnti fyrir hljómsveitarfélögum sínum nýja strauma í tónlist. Á Þessum tíma stúderaði Berry stíl gítarleikarans T-Bone Walker. Í kjölfarið þróaði hann hið svokallaða Chuck Berry-lick, spilastíl sem varð skilgreinandi fyrir snemmrokkið. Berry hafði einstakt lag á að blanda saman ólíkum stílum. Hann varð fyrir áhrifum frá ýmsum tónlistarstefnum á uppvaxtarárum sínum í St. Louis en á æskuslóðum hans ægði saman gospeli, blús, ryþmablús og kántrý-tónlist. Gítarleikur Berrys var á köflum kántrý-skotinn en tónlistarstefnan var afar vinsæl á þessum slóðum. Tónlist Berrys, sjarmi og sviðsframkoma gerðu það að verkum að aðdáendahópurinn stækkaði ört. Duck-walk Berrys.vísir/gettyKaflaskil urðu í lífi Berrys árið 1955 þegar lagði hann leið sína til Chicago til þess að hitta blúsgoðsögnina Muddy Waters. Waters kom Berry að hjá útgáfufyrirtækinu Chess Records og í kjölfarið hljóðritaði Berry mörg af sínum þekktustu lögum, til að mynda Maybelline, Rock and Roll Music og Johnny B. Goode. Vinsældir Berrys risu á þessum tíma og áhrif hans á unglingamenningu samtíma síns voru óumdeilanleg. Berry ruddi ekki aðeins brautina fyrir aðra rokktónlistarmenn heldur hreif hann áheyrendur með ótrúlegri sviðsframkomu, hinu einkennandi duck walk. Berry var skrautlegur karakter og hafði tilhneigingu til þess að koma sér í ýmiss konar klandur. Hann komst í fyrsta skipti í kast við lögin á unglingsaldri. Hann var handtekinn fyrir ránstilraun og sat í þrjú ár í betrunarvist. Árið 1959 var Berry handtekinn í St. Louis og í kjölfarið ákærður fyrir að hafa flutt fjórtán ára stúlku yfir ríkismörk í „ósiðlegum tilgangi“. Hann sat inni í tuttugu mánuði fyrir brotið. Berry komst aftur í kast við lögin 1979 en hann þurfti að dúsa 120 daga í fangelsi vegna skattalagabrota. Aftur lenti Berry í klandri árið 1990 en þá fundust í fórum hans talsvert magn af maríjúana auk myndskeiða af konum á kvennaklósetti veitingastaðar sem var í eigu Berry. Var talið að hann hefði sjálfur komið myndavélunum fyrir.Chuck Berry ásamt Keith Richards, gítarleikara The Rolling Stones.vísir/gettyBerry flutti sig til útgáfufyrirtækisins Mercury Records árið 1966 og tók ferill hans þá að hnigna. Hann reyndi að endurgera lög sín með því að ljá þeim hippalegan blæ, í samræmi við strauma og stefnur samtímans, en tilraunir hans báru lítinn árangur. Hann fór aftur yfir til Chess Records þar sem hann hljóðritaði ný lög sem náðu þó ekki inn á vinsældalista. Berry vann aldrei til Grammy-verðlauna á ferli sínum en fékk verðlaun fyrir ævistarf sitt árið 1984. Hann var einnig með fyrstu tónlistarmönnunum til þess að fá inngöngu í Rock and Roll Hall of Fame, árið 1986. Tónlistarmaðurinn hélt áfram að koma fram langt fram eftir aldri, hann flutti meðal annars sína helstu slagara á tónleikum í Cleveland árið 2012, þá 85 ára gamall. Á níræðisafmæli sínu lýsti hann því yfir að hann hyggðist gefa út nýja plötu, sem bæri nafnið „Chuck“. Þekkt nöfn úr tónlistarheiminum hafa vottað Chuck Berry virðingu sína á samskiptamiðlum í dag. „Hann tendraði upp unglingsár okkar og blés lífi í drauma okkar um að verða tónlistarmenn,“ tísti Mick Jagger í gærkvöldi. „Hvíl í friði Chuck Berry, skapari hins stórkostlega hljóms rokksins. Allir rokkarar hafa nú misst föður sinn,“ sagði Alice Cooper jafnframt á Twitter.
Mest lesið Ekki lengur smeykur við að deila kastljósinu með Katrínu Lífið Jón Jónsson selur glæsihús á Seltjarnarnesi Lífið Suzuki mun flytja inn í höll Björgólfs Lífið Seldi upp á útgáfutónleika án útgáfu Tónlist Vöknuðu fyrir allar aldir til að gera aðra atlögu Lífið Heimafæðing Örnu Ýrar: „Ekki eins hræðilegt og margir halda“ Lífið Björgólfur og Skúli í stuði í Feneyjum Lífið Flugfreyjuhattar Icelandair frá tískurisanum Balenciaga fá nýtt líf Lífið Stefnir Megan Thee Stallion fyrir meint áreiti á vinnustað Lífið Svakalegasta atvinnuumsókn sem sést hefur á FM957 Lífið Fleiri fréttir Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Sjá meira