Lífið

Charlie Sheen hættur við að kvænast

Lilja Katrín Gunnarsdóttir skrifar
Charlie og Brett á meðan allt lék í lyndi.
Charlie og Brett á meðan allt lék í lyndi. vísir/getty
Leikarinn Charlie Sheen er hættur með unnustu sinni, Brett Rossisamkvæmt E! News. Brett og Charlie ætluðu að ganga í það heilaga í nóvember.

„Scotty og ég áttum frábært ár saman og við ferðuðumst um heiminn og krossuðum margt af listanum yfir það sem við vildum gera áður en við deyjum. Hún er frábær stelpa en við höfum ákveðið í sameiningu að fara í sitthvora áttina og ekki eyða lífinu saman,“ segir Charlie í yfirlýsingu til E! News en hann kallar Brett oft Scotty. 

„Ég hef ákveðið að börnin mín eigi skilið athygli mína meira en þetta samband. Ég er enn mjög hrifinn af Scotty og óska henni alls hins besta,“ bætir leikarinn við.

Brett og Charlie tilkynntu um trúlofun sína í febrúar á þessu ári en þau heimsóttu meðal annars Ísland á árinu. Þá náðu þau að plata heimsbyggðina uppúr skónum og sögðust hafa gift sig hér á landi.


Tengdar fréttir

Charlie Sheen kvæntist á Íslandi

Leikarinn og óþekktarormurinn Charlie Sheen tjáði fyrir skömmu á samskiptamiðlinum Twitter að hann hefði gift sig hér á landi






Fleiri fréttir

Sjá meira


×