Lífið

Cara Delevingne nýtt andlit Topshop

Baldvin Þormóðsson skrifar
Cara Delevingne þykir ein eftirsóttasta fyrirsæta tískuheimsins í dag.
Cara Delevingne þykir ein eftirsóttasta fyrirsæta tískuheimsins í dag. vísir/getty
Ofurfyrirsætan Cara Delevingne er nýjasta andlit tískumerkisins Topshop en svo virðist sem að fyrirsætan sé ein sú eftirsóttasta í tískubransanum í dag.

Í nýjustu auglýsingaherferð Topshop þar sem auglýst eru föt fyrir komandi haust og vetur má sjá tólf myndir af fyrirsætunni í helsta klæðnaði nýju línunnar en þetta er í fyrsta skiptið sem að Delevingne situr fyrir bresku tískumerkið.

Meðal fatnaðar sem sjá má í herferðinni er nýstárleg útgáfa af hinum klassíska biker jakka, hlébarðapils og leðurstígvél. Mætti því búast við ansi grófri en skemmtilegri fatalínu ef miðað er við fyrstu myndir.

Aðrar fyrirsætur sem hafa setið fyrir Topshop eru til dæmis Rosie Huntington-Whiteley, Lily Donaldson, Rosie Tapner og Eliza Cummings.






Fleiri fréttir

Sjá meira


×