FIMMTUDAGUR 23. MARS NÝJAST 08:17

Gríđarmiklar sprengingar í vopnageymslu í austurhluta Úkraínu

FRÉTTIR

Býđur andstćđinga Brexit velkomna til Skotlands

 
Erlent
16:59 18. MARS 2017
Nicola Sturgeon, forseti skosku heimastjórnarinnar.
Nicola Sturgeon, forseti skosku heimastjórnarinnar. VÍSIR/GETTY

Nicola Sturgeon, forseti skosku heimastjórnarinnar, hvatti þá íbúa Bretlands sem ósáttir eru við fyrirhugaða útgöngu landsins úr Evrópusambandinu til að flytja til Skotlands í ræðu sinni á ráðstefnu Skoska þjóðarflokksins í dag.

Sem kunnugt er, hyggst Sturgeon sækjast eftir heimild til þess að halda nýja þjóðaratkvæðagreiðslu um sjálfstæði Skotlands frá Bretlandi en boðuð úrsögn Breta úr ESB, hið svokallaða Brexit, nýtur ekki stuðnings meirihluta Skota.

„Skotland er ekki fullt,“ sagði Sturgeon meðal annars í ræðu sinni. „Ef þig hryllir jafn mikið og okkur við þeirri vegferð sem bresk stjórnvöld eru á, komdu og vertu með okkur. Komdu til Skotlands og taktu þátt í uppbyggingu nútímaríkis.“

Skotar greiddu atkvæði um sjálfstæði árið 2014 en 55,3 prósent kjósenda höfnuðu því. Sturgeon lýsti því yfir í vikunni að vegna breyttra aðstæðna í kjölfar Brexit-kosninganna teldi hún að Skotar myndu nú velja sjálfstæði frá Bretlandi.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Býđur andstćđinga Brexit velkomna til Skotlands
Fara efst