Búist við talsverðum vindi á Snæfellsnesi

Í tilkynningu Vegagerðarinnar um veðurspá kvöldsins og næturinnar er búist við auknum vindi á landinu. Það hvessir af suðri seint í kvöld og hlýnar heldur. Á hæstu fjallvegum um landið vestanvert er búist við hríðarveðri frá því seint í kvöld og nótt, en slyddu og rigningu í byggð - og eins norðanlands með morgninum.  Á norðanverðu Snæfellsnesi er spáð byljóttum vindi í nótt og hviðum allt að 30-35 m/s. Þá varar Vegagerðin varar við að hálka og hálkublettir leynast víða á vegum á Vesturlandi.