Tíska og hönnun

Brúðarkjóll Angelinu hannaður af Atelier Versace

Lilja Katrín Gunnarsdóttir skrifar
Tímaritið Hello! birtir myndir úr brúðkaupi Angelinu Jolie og Brad Pitt og hafa margir heillast af brúðarkjól Angelinu en slörið var skreytt með teikningum eftir börnin þeirra sex.

Angelina fékk Atelier Versace, merki sem hún er mjög hrifin af, til að hanna kjólinn og var yfirhönnuður merkisins, Donatella Versace, auðvitað með puttana í verkefninu.

„Angelina hefur þetta allt. Fegurð, stíl og gáfur. Ég óska henni og hennar yndislegu fjölskyldu alls hins besta,“ segir Donatella í samtali við tímaritið Us Weekly.

Brúðarkjóllinn var að sjálfsögðu sérsaumaður fyrir Angelinu úr silkisatín en teikningu af kjólnum má sjá hér fyrir neðan. Þá var Angelina í hvítum hælum frá Versace við hann.

Donatella Versace.

Tengdar fréttir






Fleiri fréttir

Sjá meira


×