Erlent

Bretadrottning skrifar undir Brexit-frumvarp

Atli Ísleifsson skrifar
Forsætisráðherrann hefur þegar sagt að hún hyggist virkja 50. grein Lissabon-sáttmálans og þannig hefja útgönguferlið fyrir lok þessa mánaðar.
Forsætisráðherrann hefur þegar sagt að hún hyggist virkja 50. grein Lissabon-sáttmálans og þannig hefja útgönguferlið fyrir lok þessa mánaðar. Vísir/AFP
Elísabet Bretadrottning mun í dag skrifa undir Brexit-frumvarpið sem samþykkt var á dögunum í breska þinginu þannig að það verði að lögum.

Að því loknu verður ekkert í vegi fyrir því að Theresa May, forsætisráðherra Bretlands, geti formlega hafið útgönguferlið og tilkynnt fulltrúum Evrópusambandsins að Bretar hyggist ganga úr sambandinu.

May hefur þegar sagt að hún hyggist virkja 50. grein Lissabon-sáttmálans og þannig hefja útgönguferlið fyrir lok þessa mánaðar.

Þó er ólíklegt að það gerist í næstu viku til þess að varpa ekki skugga á hátíðarhöld í Brussel þar sem því verður fagnað að sextíu ár eru nú liðin frá því að Rómarsáttmálinn var gerður, sem lagði grunninn að Evrópusambandinu.

May hyggst ekki að vera viðstödd þau hátíðarhöld.


Tengdar fréttir




Fleiri fréttir

Sjá meira


×