Brando skuldugur upp fyrir haus

Guðfaðirinn Marlon Brando skuldar litlar tuttugu milljónir dollara. Hann hefur neyðst til þess að fela Óskarsverðlaunastytturnar sínar tvær frá handrukkurum sem eru á eftir honum. Þessu er haldið fram í nýrri bók sem ber nafnið "Brando in Twilight" eftir Patriciu Ruiz. Þar segir frá því að þessi áttræða kvikmyndagoðsögn búi í tveggja herbergja hreysi og lifi á bótum frá Ríkinu. Greyið Brando er ekki aðeins með handrukkara á hælunum heldur einnig fyrrverandi ráðskonu. Hún hótar honum öllu illu og ætlar væntanlega að enduropna hundrað milljón dollara málssókn á hendur honum. Ráðskonan er ekki par sátt þar sem Brando hefur ekki greitt henni tíu þúsund dollara á mánuði fyrir börnunum hennar þremur, og þar af er eitt hans eigið. Ruiz telur líklegt að vandamál Brando hafi byrjað eftir að hann sökk í sjö milljón dollara skuld þegar hann reyndi að verja Christian son sinn sem var dæmdur fyrir morð á hálfsystur sinni og kærastanum hennar árið 1990. Brando lísti því yfir á síðasta ári að hann væri tilbúinn að deyja og væri það eflaust mjög auðveld lausn út úr þessum haug af vandamálum.