LAUGARDAGUR 27. ÁGÚST NÝJAST 21:30

Fundu sprengjur viđ ţjóđveginn

FRÉTTIR

Blöskrađi ummćli netverja sem gagnrýndu Pírata fyrir ađ leita til vinnustađasálfrćđings

 
Innlent
17:57 01. MARS 2016
Ásta Guđrún Helgadóttir, ţingmađur Pírata.
Ásta Guđrún Helgadóttir, ţingmađur Pírata.

Ástu Guðrúnu Helgadóttur, þingmanni Pírata, blöskraði ummæli sem voru látin falla um þingmenn Pírata eftir að þeir ákváðu að leysa úr deilum sínum með aðstoð vinnustaðasálfræðings. Ásta Guðrún segir frá þessu á Facebook-síðu sinni en hún skipar þingflokk Pírata ásamt Birgittu Jónsdóttur og Helga Hrafni Gunnarssyni.

Hún líkir erfiðleikum Pírata við fótbrot, en langflestir sem lenda í slíku óhappi leita til læknis. „Þá er manni gefið verkjastillandi, tekinn í röntgen og eftir það er maður settur í gifs. Eftir það taka við nokkrar vikur, jafnvel mánuðir þar sem sárið fær að gróa,“ segir Ásta. Hún bendir á að þeir sem fótbrotna er sjaldnast gagnrýndir fyrir að leita læknis, fá verkjastillandi, vera í gifsi eða að þurfa kannski að taka því rólega eða fara í endurhæfingu.

Því má að hennar mati segja að þingflokkur Pírata hafi fótbrotnað.

„Við komumst að því að þær stoðir sem við höfðum voru að valda okkur sársauka, þær voru brotnar og bognar. En það er í lagi, við settumst niður og ákváðum að fá sérfræðing til þess að hjálpa okkur að takast á við þær aðstæður sem höfðu skapast til þess að við getum orðið betri þingmenn, betri samstarfsmenn og betri manneskjur,“ skrifar Ásta Guðrún.

Henni blöskraði því nokkur ummælanna sem voru látnar falla í íslenskum kommentakerfum vegna frétta sem fluttar voru af þessari leið sem þingflokkur Pírata fór til að leysa úr ágreiningi sínum.

„Það eru fleiri stoðir sem halda manni uppi heldur en fæturnir einir, og það þarf að huga að þeim, ef þær brotna eða bogna,“ skrifar Ásta. Hún segir það aldrei vera feimnismál að leita sér hjálpar, ef sú hjálp er sú sem viðkomandi þarf á að halda, hvort sem er frá sálfræðingi eða lækni á bráðamóttöku, þá sé það sjálfsagt mál.  

„Það er ekki slæmt, það er ekki vandræðalegt eða eitthvað sem sýnir að við séum ekki starfi okkar vaxin. Það er bara eins og það er, og það er ekki tabú.


Ţegar mađur fótbrotnar ţá fer mađur til lćknis. Ţá er manni gefiđ verkjastillandi, tekinn í röntgen og eftir ţađ ţá er...

Posted by Ásta Guđrún Helgadóttir on Tuesday, March 1, 2016
Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Blöskrađi ummćli netverja sem gagnrýndu Pírata fyrir ađ leita til vinnustađasálfrćđings
Fara efst