Sport

Björn Lúkas tapaði úrslitabardaganum

Ástrós Ýr Eggertsdóttir skrifar
Björn Lúkas Haraldsson varð að sætta sig við ósigur í dag
Björn Lúkas Haraldsson varð að sætta sig við ósigur í dag Mynd/Mjölnir
Björn Lúkas Haraldsson tapaði úrslitabardaga Heimsmeistaramóts áhugamanna í millivigt í dag. Hann barðist gegn Khaled Laallam frá Svíþjóð og þurfti þrjár lotur til að knýja fram úrslit.

Svíinn virtist hafa yfirhöndina í fyrstu lotunni, hann náði að halda Birni í gólfinu og kom inn nokkrum höggum. Hann náði þó ekki að klára viðureignina.

Áfram hélt bardaginn á svipuðum nótum í annari lotu. Þeir börðust á gólfinu, Svíinn virtist hafa aðeins betur en aldrei gafst Björn upp.

Í þriðju lotunni hélt Björn Svíanum aðeins lengur á fótunum, en svo dundu höggin á honum eftir um mínútu og þeir fóru í gólfið. Björn hélt áhlaup Laallam út, en honum var svo dæmdur sigur.



MMA



Fleiri fréttir

Sjá meira


×